પરંપરા / VIDEO: ગાર્ડ સલામી દેંગે... મહેસાણામાં પોલીસ દ્વારા ગણેશજીને ગાર્ડ ઑફ ઓનર, રસ્તા પર નીકળી શાહી સવારી

• મહેસાણા શહેર પૌરાણિક ગણપતિ મંદિરે ગણેશોત્સવનું વિશેષ મહત્વ
• પોલીસ દ્વારા ગાર્ડ ઓફ ઓનરથી દુંદાળા દેવ ગણેશજીને સલામી અપાઈ
• વર્ષોથી ગાર્ડ ઓફ ઓનર ગણેશજીને આપવામાં આવે છે,  5 દિવસ ચાલશે ગણેશોત્સવ

આજે છે ભાદરવા શુદ ચોથ અને તે છે ભગવાન ગજાનંદ નો જન્મ દિવસ આજે સમગ્ર  ભારત માં ભગવાન ગણેશ ની પૂજા અર્ચન કરવામાં આવે છે.  પરતું ઉત્તર ગુજરાતના મહેસાણામાં ભગવાન ગજાનંદને રીજવવા માટે દર વર્ષની જેમ આ વર્ષે પણ ભગવાનને ગાર્ડ ઓફ ઓનર આપવામાં આવ્યું હતું. દેશમાં એકમાત્ર મહેસાણામાં ભગવાન ગજાનંદનું મંદિર છે માં ભગવાન ગજાનંદને મહેસાણા પોલીસ દ્વારા ગાર્ડ ઓફ ઓનર આપવામાં આવે છે અને અહીથી જ ભક્તો દર્શન કરીને દુંદાળા દેવ ગણપતિની પોતાના ગૃહે સ્થાપના કરે છે. 

મહેસાણા સહિત સમગ્ર રાજ્ય અને દેશમાં આજે ભગવાન ગજાનંદ ગણપતિના ગણેશોત્સવની પૂજા અર્ચના અને ભક્તિ કરવામાં આવી રહી છે.  દેવા ધી દેવ મહાદેવના પુત્ર ગણેશ 33 કરોડ દેવતામાંથી સૌપ્રથમ હિન્દૂ ધર્મમાં પુજનીય છે તેથી તેમનું  મહત્વ ખુબ વિશેષ છે. ત્યારે મહેસાણા શહેરની મધ્યમાં ગાયકવાડી સરકાર વખતે બનાવેલા ગણપતિ મંદિરનું વિશેષ મહત્વ રહ્યું છે. ગાયકવાડી સરકારમાં ગણપતિ મંદિર બાંધવામાં આવ્યું ત્યારથી અહી પોલીસ દ્વારા ગાર્ડ ઓફ ઓનર આપવામાં આવે છે. તો વળી ભગવાન ગણેશજીના ભક્તો આ ગણપતિ મંદિરે દર્શન કરીને ગણેશજી પોતાના ઘરે સ્થાપના કરે છે. 

મહેસાણા શહેરના ફુવારા સ્થિત આવેલા વિનાયક ગણપતિ મંદિર ખાતે સવારે ભગવાન ગજાનનને પરંપરાગત રીતે પોલીસ જવાનો દ્વારા આજે ગાર્ડ ઓફ ઓનર આપવામાં આવ્યું હતું. આ પ્રસંગે મેહસાણા શહેરના અગ્રણીઓ, શ્રધ્ધાળુઓની ઉપસ્થિતિ ખાસ જોવા મળી હતી હતી. વિશેષ પૂજા અર્ચના કર્યા બાદ શહેરના રાજમાર્ગો પર ગજાનનની શાહી સવારી નીકળી હતી. ઉપરાંત ગણેશ ઉત્સવ દર્મયાન ગણપતિ મંદિરના પ્રાંગણમાં દરરોજ રાતે નામી-અનામી કલાકારોનો લોક ડાયરો પણ જામશે. આમ મહેસાણાના પૌરાણિક અને પરંપરાગત ગણપતિ મંદિરે ગણેશજીની સ્થાપના સાથે ગણેશોત્સવનો પ્રારંભ કરાયો છે.

ગણેશોત્સવની પાંચ દિવસ ઉજવણી

મહેસાણાના પૌરાણિક મંદિરના સાંનિધ્યમાં ગણેશ સ્થાપના સાથે ગણેશોત્સવનો પ્રારંભ કરાયો છે અને આ ગણેશોત્સ ની પાંચ દિવસ ઉજવણી કરવામાં આવશે. સમગ્ર ગુજરાત કે ભારતમાં ફક્ત મહેસાણા ગણપતિ મંદિરે ગણેશજીની સ્થાપના પોલીસ દ્વારા ગાર્ડ ઓફ ઓનરથી સલામી સાથે શ્રદ્ધાળુઓ દુંદાળા દેવને નતમસ્તક  થાય છે. આમ આજથી ગજાનંદ ગણપતિના ઉત્સવનો દુંદાળા દેવ ગણેશજીની સ્થાપના સાથે પ્રારંભ થયો છે ત્યારે ભક્તો ભગવાન સાથે સાક્ષાત્કાર કરશે.