અન્નદાતાની કાળજી / મોદી સરકારે 5 કરોડ શેરડીના ખેડૂતોને આપી ભેટ, FRPમાં કર્યો વધારો, 5 લાખ કામદારોને પણ લાભ

• મોદી કેબિનેટમાં લેવાયો શેરડીના ખેડૂતો માટે નિર્ણય 
• શેરડીની FRPમાં કર્યો 10 રુપિયાનો વધારો 
• FRP હવે થઈ 315 રૂપિયા પ્રતિ ક્વિન્ટલ 

ખરીફ પાકની MSPમાં વધારો કર્યા બાદ મોદી સરકારે શેરડીના ખેડૂતોને પણ મોટી ભેટ આપી છે. વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં મોદી સરકારે આગામી સિઝન માટે શેરડીના વાજબી અને મહેનતાણાના ભાવ (FRP)માં વધારો કરવાનો નિર્ણય લીધો છે. કેબિનેટ કમિટી ઓન ઇકોનોમિક અફેર્સ (સીસીઇએ) એ 2023-24 સીઝન માટે શેરડીની FRPમાં 10 રૂપિયા પ્રતિ ક્વિન્ટલનો વધારો કરવાની જાહેરાત કરી છે. શેરડીની નવી FRP હવે 315 રૂપિયા પ્રતિ ક્વિન્ટલ થઈ ગઈ છે.

#WATCH | Delhi: The cabinet has approved the highest ever Fair and Remunerative Price of Rs.315/qtl for Sugarcane Farmers for sugar season 2023-24. The decision to benefit 5 crore sugarcane farmers and their dependents, as well as 5 lakh workers employed in the sugar mills and… pic.twitter.com/mW5RgQZIl9

— ANI (@ANI) June 28, 2023

શેરડીની FRPમાં પ્રતિ ક્વિન્ટલે 10 રૂપિયાનો વધારો
કેબિનેટની બેઠકમાં લેવાયેલા નિર્ણયો અંગે માહિતી આપતા માહિતી અને પ્રસારણ મંત્રી અનુરાગ ઠાકુરે જણાવ્યું હતું કે શેરડીના ખેડૂતો માટે મોદી સરકારે શેરડીની FRPમાં પ્રતિ ક્વિન્ટલે 10 રૂપિયાનો વધારો કરવાનો નિર્ણય કર્યો છે. 

Government hikes sugarcane FRP by Rs 10/quintal to Rs 315/qtl for 2023-24 season: I&B Minister Anurag Thakur

— Press Trust of India (@PTI_News) June 28, 2023

5 કરોડ શેરડી ખેડૂતોને થશે લાભ
FRPમાં 10 રુપિયાના વધારાના સરકારના નિર્ણયનો લાભ 5 કરોડ શેરડી ખેડૂતો અને ખાંડની મિલોમાં કામ કરતાં 5 લાખ કામદારોને થશે. 

શું છે FRP
શેરડી પર FRP એટલે કે (વાજબી અને મહેનતાણું કિંમત) નક્કી કરીને શેરડીના ખેડૂતોને તેમના ઉત્પાદન માટે ગેરેન્ટેડ રકમ આપવામાં આવે છે.