ચોંકાવનારી ઘટના / આવી ચોરી તો કદી ન જોઈ, એરપોર્ટ પર ઉતરતાં જ ગાયબ થયું 123 કરોડનું સોનું, કોણે ઉઠાવ્યું, કેવી રીતે?

• કેનેડાના ટોરન્ટો પિયર્સન ઇન્ટરનેશનલ એરપોર્ટની ઘટના
• એરપોર્ટ પર ઉતર્યું 123 કરોડ સોનાથી ભરેલું કન્ટેનર 
• ઉતરતાં જ ગાયબ થઈ ગયું, કોઈ ચોરી ગયું

આંતરરાષ્ટ્રીય એરપોર્ટ પર સોનાની ચોરીની એક ચોંકાવનારી ઘટના સામે આવી છે. અહીં સોનાથી ભરેલું એક મોટું કન્ટેનર ગાયબ થઈ ગયું. કન્ટેનરમાં 1.23 અબજ રૂપિયાથી વધુનું સોનું હતું. આ કેસ અંગે તપાસ અધિકારીએ જણાવ્યું હતું કે કાર્ગોમાં સોનું આવ્યું હતું. પરંતુ તે ટર્મિનલમાંથી જ ગાયબ થઇ ગઇ હતી, જે અનલોડિંગ સમયે સામે આવી હતી.

શું બન્યું એરપોર્ટ પર 
આ ઘટના કેનેડાના ટોરન્ટો પિયર્સન ઇન્ટરનેશનલ એરપોર્ટની છે. ઇન્સ્પેક્ટર સ્ટીફન ડયુવેસ્ટિને જણાવ્યું હતું કે 17 એપ્રિલે સોનાથી ભરેલું એક કન્ટેનર પીઅર્સન એરપોર્ટ પર પહોંચ્યું હતું. પરંતુ જ્યારે તેને ઉતારવામાં આવ્યું ત્યારે તે તરત ગુમ થયું હતું. ઇન્સ્પેક્ટર સ્ટીફને જણાવ્યું હતું કે કન્ટેનર એરપોર્ટ પર ન આવે ત્યાં સુધી તે જોવામાં આવ્યું હતું. પરંતુ જ્યારે વિમાનને ઉતારવામાં આવ્યું તો અચાનક જ તેના ગુમ થવાના સમાચાર આવ્યા. હાલ તો તપાસ ચાલી રહી છે. સ્ટીફને સોનું ક્યાંથી આવ્યું અને ક્યાં જઈ રહ્યું છે તે જણાવ્યું નહીં.

પહેલી વાર થઈ સોનાની આવી ચોરી 
સોનું ઉત્તરી ઓન્ટારિયોની ખાણમાંથી બેંકો માટે ટોરોન્ટો મોકલવામાં આવ્યું હોઈ શકે છે. આ ચોરી પાછળ સંગઠિત ગુનાહિત ટોળકીઓનો હાથ હોઈ શકે છે. ચોરીની આવી ઘટના અગાઉ ક્યારેય જોવા મળી નથી. 

2019માં બ્રાઝિલમાં 200 કરોડના સોનાની થઈ હતી ચોરી 
બ્રાઝિલમાંથી 2019માં ચોરીની આવી જ એક ઘટના સામે આવી હતી. ત્યારે આઠ સશસ્ત્ર બદમાશો સાઓ પાઉલો શહેરના ગુઆરુલ્હોસ એરપોર્ટ પર પોલીસ અધિકારીઓના વેશમાં ઘૂસી ગયા હતા અને આશરે 2 અબજ રૂપિયાની કિંમતનું સોનું લૂંટી લીધું હતું. આ સોનું અમેરિકાના ન્યૂયોર્ક અને સ્વિટ્ઝરલેન્ડના ઝુરિચ મોકલવાનું હતું. માત્ર 3 મિનિટમાં સમગ્ર ઘટનાને અંજામ આપવામાં આવ્યો હતો. બદમાશો બે નકલી પોલીસ વાનમાં આવ્યા હતા. તેઓએ એરપોર્ટના ગાર્ડ્સને બંધક બનાવીને સોનાની ચોરી કરી હતી, તે પણ ફાયરિંગ કર્યા વગર.