મોસ્કોથી ગોવા જતી ફ્લાઈટમાં બૉમ્બ હોવાની માહિતી મળતાં ફલાઈટનું જામનગર એરપોર્ટ પર ઇમરજન્સી લેન્ડિંગ કરાયું છે.
Share
જામનગરમાં ફ્લાઈટનું ઈમરજન્સી લેન્ડિંગ
પ્લેનમાં બોમ્બ હોવાની ધમકીને કારણે કરાયુ ઈમરજન્સી લેન્ડિંગ
મોસ્કોથી ગોવા જતી ફ્લાઈટમાં બૉમ્બ હોવાનો માહિતી મળી હતી. જેને પગલે પ્લેનને જામનગર એરપોર્ટ ખાતે તાત્કાલિક લેન્ડિંગ કરવામાં આવ્યું હતું. પોલીસ કાફલો, બૉમ્બ સ્કવોર્ડ અને જામનગર 108 એમ્બ્યુલન્સની ટીમ તાબડતોબ એરપોર્ટ પર દોડી ગયા છે. ફ્લાઈટમાં વિદેશી પેસેન્જરો સવાર હોવાની માહિતી મળી રહી છે. બીજી તરફ આ ઘટનાને પગલે જિલ્લાના ઉચ્ચ પોલીસ અધીકારીઓ, પોલીસ, 108 અને બૉમ્બ સ્કવોર્ડની ટીમ એરપોર્ટ ખાતે પહોંચી છે.
Gujarat | Outside visuals from Jamnagar Aiport where Moscow-Goa chartered flight was diverted after Goa ATC received a bomb threat.
ઘટનાને પગલે જિલ્લાના ઉચ્ચ પોલીસ અધીકારીઓ ઘટનાસ્થળે
આ અંગે જાણવા મળતી પ્રાથમિક વિગત અનુસાર મોસ્કોથી ગોવાની ફલાઈટમાં બૉમ્બની ખબરને ફ્લાઇટ લેન્ડ થયા બાદ પોલીસ, બૉમ્બ સ્કોડ એરપોર્ટ પર તહેનાત છે જ્યારે 7 થી 8 જેટલી એમ્બ્યુલન્સ સાથે સ્ટાફ અને પોલીસ કાફલો એરપોર્ટ પર ખડેપગે રહ્યો છે. ગોવા ATCને બોમ્બ અંગેનો ઇ-મેલ મળ્યો હતો. જે ઇ-મેલ મળ્યા બાદ ફ્લાઇટનું જામનગરમાં ઇમરજન્સી લેન્ડિંગ કરાયું છે.હાલ ફ્લાઈટમાં 236 વિદેશી પેસેન્જરો સવાર હોવાનું જાણવા મળી રહયું છે.આ ઘટનાને પગલે જામનગર એરપોર્ટ પર ભારે અફરાતફરીનો માહોલજોવા મળી રહ્યો છે.
જામનગર કલેકટરે કહ્યું... તો આ મામલે રાહતના સમાચાર પણ સામે આવી રહ્યા છે જેમાં જામનગરના કલેકટર સૌરભ પારધીએ સોશિયલ મીડિયામા એક સંદેશ વહેતો કરી જણાવ્યું કે ફલાઈટમાં બૉમ્બ હોવાની જાણકારી મળતા મોસ્કો-ગોવા જતી ફ્લાઇટને જામનગર એરપોર્ટ ખાતે ડાયવર્ડ કરવામાં આવી હતી. ત્યારબાદ 236 પેસેન્જર્સ અને 8 ક્રૂ સહિત 244 પેસેન્જર્સને સલામત રીતે બહાર કઢાયા છે અને હાલ સંબંધિત વિભાગ દ્વારા બોમ્બના ડિટેક્શન અને ડિસ્પોઝલની કામગીરી ચાલી રહી છે.
