હવામાનમાં ફેરફાર / બદ્રીનાથ - કેદારનાથમાં માર્ચ મહિનામાં જ બનવા લાગી એવી ઘટના કે વિશ્વ ચિંતામાં મૂકાયું

• બદ્રીનાથ ધામમાં બરફ જ જોવા ના મળ્યો
• કેદારનાથ ધામમાં પણ પરિસરમાંથી બરફ હટાવવાની જરૂર ના પડી
• બદ્રીનાથ ધામમાં જામેલો બરફ હવે પિગળવા લાગ્યો

ઊંચા પર્વત પણ થઇ શકે છે બરફવિહીન

આ વર્ષે તો કેદારનાથ ધામમાં પણ પરિસરમાંથી બરફ હટાવવાની જરૂર પડી જ નથી. કારણકે અહીં જામેલો બરફ પિગળી ગયો છે. ગંગોત્રી અને યમુનોત્રીમાં પણ આ વર્ષે નામમાત્રનો બરફ રહી ગયો છે. હવામાન વિભાગના વૈજ્ઞાનિકોનુ માનવુ છે કે જો વરસાદ ના થયો અને આ રીતે ગરમી પડતી રહી તો ઉંચા પહાડો પણ બરફવિહીન થઇ જશે. ખરેખર, બદ્રીનાથ ધામમાં માર્ચ મહિનામાં અંદાજે ત્રણ થી ચાર કલાક સુધી બરફ જામ્યો હતો. જે હવે ઝડપથી પિગળવા લાગ્યો છે. અહીં તપ્તકુંડ, પરિક્રમા સ્થળ, પરિસર અને આસ્થાના માર્ગે બરફ સંપૂર્ણ રીતે પિગળી ગયો છે. અહીંથી 3 કિમીના અંતરે સ્થિત દેશના અંતિમ ગામ માણામાં પણ બરફ ઝડપથી પિગળી રહ્યો છે. ફેબ્રુઆરી મહિનામાં અહીં પાંચ થી છ ફૂટ સુધી બરફ જામી ગયો હતો. 

ગયા વર્ષે 15 એપ્રિલ સુધી જામ્યો હતો બરફ

બામણી ગામ જે બરફથી સંપૂર્ણ રીતે ઢંકાઈ ગયુ હતુ ત્યાં પણ બરફ ગાયબ થયો છે. ગંગોત્રી ધામમાં આજુબાજુ જામેલો બરફ 20 માર્ચ સુધી પિગળી ગયો હતો. ગયા વર્ષે ધામમાં બરફ 15 એપ્રિલ સુધી જામી ગયો હતો. યમુનોત્રી ધામની સ્થિતિ પણ કઈક આવી છે. અહીં પણ બરફ ઝડપથી પિગળી રહ્યો છે. 

ફક્ત હેમકુંડ સાહેબમાં અત્યારે દસ ફૂટ સુધી બરફ 

રાહતની વાત એ છે કે પ્રસિદ્ધ હેમકુંડ સાહિબ અત્યારે લગભગ 10 ફૂટ બરફથી ઢંકાયેલો છે. હેમકુંડ સાહિબના આસ્થાના માર્ગે અને ગુરૂદ્વારા પરથી બરફ હટાવવા માટે સેનાના જવાન 15 એપ્રિલ સુધી અહીં પહોંચી જશે. જો હવામાનમાં થતા ફેરફાર આ રીતે થતો રહ્યો તો મે મહિના સુધી હેમકુંડમાંથી બરફ પિગળી જશે.