તમારા કામનું / આ સરકારી સ્કીમમાં તમને દર મહિને મળશે 3000 રૂપિયા, જાણો કઈ રીતે કરશો રજીસ્ટ્રેશન

• આ સરકારી યોજનાનો લો લાભ 
• દર મહિને મળશે 3000 
• વ્યાપારીઓ માટે ફાયદાકારક

આજે અમે તમને એક એવી સરકારી યોજના વિશે જણાવીશું જેમાં તમને સરકાર તરફથી દર મહિને 3000 રૂપિયા મળશે એટલે કે તમને વાર્ષિક 36,000 રૂપિયાનો લાભ મળશે. જાણો તેના માટે કોણ અરજી કરી શકે છે.

પ્રધાનમંત્રી કર્મ યોગી માનધન યોજના
આ સરકારી યોજનાનું નામ છે પ્રધાનમંત્રી કર્મ યોગી માનધન યોજના જે અંતર્ગત તમને દર મહિને 3000 રૂપિયાની સુવિધા આપવામાં આવશે. આ યોજના વર્ષ 2019 માં શરૂ કરવામાં આવી હતી.

પીએમ કર્મ યોગી માનધન યોજના હેઠળ દેશના નાના દુકાનદારો, ધંધાદારીઓ અને વેપારીઓ જેમણે પોતાને GST હેઠળ રજીસ્ટર્ડ કરાવ્યા છે અને જેમનું ટર્નઓવર 1.5 કરોડ સુધી છે તેઓ ભાગ લઈ શકે છે. તમે CSCમાં જઈને આ યોજના માટે અરજી કરી શકો છો.

18થી 40 વર્ષની વચ્ચે લઈ શકો આ સ્કીમનો લાભ
તમે 18 વર્ષથી 40 વર્ષની વચ્ચે આ સ્કીમનો લાભ લઈ શકો છો. જેમાં નાના વેપારીઓ સમાવેશ થાય છે. આ યોજનામાં 60 વર્ષની ઉંમર પછી લાભાર્થીને દર મહિને રૂ. 3000 આપવામાં આવશે.

દર મહિને ચુકવો માત્ર 55 રૂપિયા 
જો તમે 18 વર્ષની ઉંમરે આ પ્લાનમાં ભાગ લો છો, તો તમારે દર મહિને માત્ર 55 રૂપિયાનું પ્રીમિયમ ચૂકવવું પડશે. ત્યાં જ જો તમે 40 વર્ષની ઉંમરે આ યોજનામાં ભાગ લો છો તો તમારે પ્રીમિયમ તરીકે દર મહિને 200 રૂપિયા ચૂકવવા પડશે.

પ્રધાનમંત્રી કર્મ યોગી માનધન યોજના હેઠળ, પેન્શન તરીકે મળેલી રકમ સીધી લાભાર્થીના ખાતામાં ટ્રાન્સફર કરવામાં આવે છે. આ રકમ ત્યારે જ ખાતામાં પહોંચશે જ્યારે લાભાર્થીનું બેંક ખાતું આધાર સાથે લિંક થશે.

તમને જણાવી દઈએ કે જે પણ ઉદ્યોગપતિઓ અને વ્યાપારીઓ પાસે 60 વર્ષની ઉંમરે કોઈ આધાર નથી તેઓ આ યોજના દ્વારા મળેલા પેન્શનથી તેમની મુશ્કેલીઓ ઘટાડી શકે છે.

અરજી કરનાર તમામ જરૂરી દસ્તાવેજો સાથે નજીકના સેવા કેન્દ્રની મુલાકાત લઈ શકે છે. ત્યાં તમારે તમારું ઓનલાઈન ફોર્મ ભરવાનું રહેશે અને તમામ દસ્તાવેજો આપવા પડશે. તેને સબમિટ કર્યા પછી તમે આ યોજનાના લાભાર્થી બનશો.