નિર્ણય / સિંગાપોરમાં હવે ગે સેકસ અપરાધ નહીં, બંધારણમાં થશે ફેરફાર, લગ્ન પર હજુ પણ રહેશે પ્રતિબંધ

• સિંગાપોરના વડા પ્રધાન લી સિએન લૂંગનો ગે સેકસને લઈ મોટુ નિવેદન 
• સિંગાપોરમાં હવે ગે સેકસ અપરાધ નહીં, જોકે લગ્ન પર હજુ પણ રહેશે પ્રતિબંધ
• મોટાભાગના સિંગાપોરવાસીઓ આ નિર્ણયને સ્વીકારશે: સિંગાપોર PM 

સિંગાપોરમાં હવે ગે સેકસ અપરાધ નહીં માનવામાં આવે. બ્રિટિશ સંસ્થાનવાદી યુગથી વારસામાં મળેલી સિંગાપોર પીનલ કોડની કલમ 377A પુરુષો વચ્ચે સેક્સ માટે બે વર્ષ સુધીની જેલની સજાની જોગવાઈ કરે છે. જોકે સિંગાપોરમાં હવે તેનો અંત આવશે. પરંતુ આ ફેરફાર મર્યાદિત રહેશે અને લગ્નના નિયમોમાં ફેરફાર કરવામાં આવશે નહીં.

સિંગાપોરે રવિવારે જાહેરાત કરી હતી કે, તે લગ્નના પરંપરાગત ધોરણોનું રક્ષણ કરતા વસાહતી યુગના કાયદાને રદ કરીને પુરૂષો વચ્ચેના સેક્સને ગુનાહિત બનાવશે. સિંગાપોરના વડા પ્રધાન લી સિએન લૂંગે વાર્ષિક રાષ્ટ્રીય દિવસની રેલીમાં તેમના ભાષણ દરમિયાન જણાવ્યું હતું કે, તેઓ માને છે કે હવે કરવું યોગ્ય છે કારણ કે મોટાભાગના સિંગાપોરવાસીઓ હવે તેને સ્વીકારશે.

શું કહ્યું સિંગાપોરના વડા પ્રધાને ? 

સિંગાપોરના વડા પ્રધાન લી સિએન લૂંગે કહ્યું કે, પરસ્પર સંમતિથી પુખ્ત વયના લોકો વચ્ચેના ખાનગી સેક્સથી કાયદો અને વ્યવસ્થાની કોઈ સમસ્યા સર્જાતી નથી. આના માટે લોકો પર કેસ ચલાવવાનું કે તેને ગુનો બનાવવાનું કોઈ વ્યાજબી નથી. લીએ જણાવ્યું હતું કે, ગે સેક્સને અપરાધ કરતો કાયદો નાબૂદ કરવામાં આવશે. કલમ 377A સાવધાની સાથે રદ કરવામાં આવશે. બ્રિટિશ સંસ્થાનવાદી શાસન હેઠળ 1930માં સિંગાપોરમાં પીનલ કોડની કલમ 377A લાગુ કરવામાં આવી હતી.

Singapore will decriminalize sex between men, but has no plans to change the legal definition of marriage as being between a man and a woman, Prime Minister Lee Hsien Loong said https://t.co/H7KmsWYTZ7 pic.twitter.com/udv6Fdnik8

— Reuters (@Reuters) August 21, 2022

નોંધનીય છે કે, સિંગાપોર પર બ્રિટિશ શાસન 1963માં સમાપ્ત થયું તે બાદમાં સિંગાપોર મલેશિયાનું રાજ્ય બન્યું. તે બે વર્ષ પછી સ્વતંત્ર બન્યું. પરંતુ બ્રિટિશ પીનલ કોડને જાળવી રાખ્યું, જેણે પુરુષો વચ્ચેના જાતીય સંબંધોને બે વર્ષ સુધીની જેલની સજાને પાત્ર બનાવ્યું. ગે પુરુષોનું કહેવું છે કે,  આ કાયદો તેમના માથા પર લટકતી તલવાર છે અને તેમની સાથે ભેદભાવ કરે છે. દર વર્ષે હજારો કાર્યકરો LGBTQ સમુદાયના સમર્થનમાં સિંગાપોરમાં પિંક ડોટ નામની રેલી કાઢે છે.