Lok Sabha Election 2024 / 'મને મારી રાજનૈતિક ફરજથી મુક્ત કરો', ગૌતમ ગંભીર હવે નહીં કરે રાજનીતિ, જુઓ જે.પી નડ્ડાને શું અપીલ કરી

Lok Sabha Election 2024: પૂર્વ દિલ્હીના સાંસદ અને પૂર્વ ભારતીય ક્રિકેટર ગૌતમ ગંભીરે 2024ની લોકસભા ચૂંટણી નહીં લડવાની જાહેરાત કરી છે. શનિવારે એમને સોશિયલ મીડિયા પર ટ્વીટ કર્યું કે તે આગામી લોકસભા ચૂંટણી લડશે નહીં અને ક્રિકેટ પર વધુ ધ્યાન આપશે. ગૌતમ ગંભીરે પોતાના ટ્વિટમાં ભાજપના રાષ્ટ્રીય અધ્યક્ષ જેપી નડ્ડા, વડાપ્રધાન નરેન્દ્ર મોદી અને ગૃહમંત્રી અમિત શાહને ટેગ કર્યા છે.

I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!

— Gautam Gambhir (@GautamGambhir) March 2, 2024

Xમાં પોસ્ટ કરીને આ અંગે માહિતી આપતાં તેમણે કહ્યું કે, 'મેં પાર્ટીના માનનીય પ્રમુખ જેપી નડ્ડાજીને વિનંતી કરી છે કે તેઓ મને મારી રાજકીય ફરજોમાંથી મુક્ત કરે જેથી હું આગામી ક્રિકેટ પ્રતિબદ્ધતાઓ પર ધ્યાન કેન્દ્રિત કરી શકું. મને લોકોની સેવા કરવાની તક આપવા બદલ હું માનનીય વડા પ્રધાન નરેન્દ્ર મોદીજી અને ગૃહ પ્રધાન અમિત શાહનો હૃદયપૂર્વક આભાર વ્યક્ત કરું છું. જય હિંદ.'

આવી સ્થિતિમાં હવે એક મોટો સવાલ એ ઊભો થયો છે કે પૂર્વ દિલ્હીથી 2024ની લોકસભા ચૂંટણીમાં પાર્ટીનો ચહેરો એટલે કે બીજેપી ઉમેદવાર કોણ હશે?

વધુ વાંચો: લોકસભા ચૂંટણી લડવી હોય તો શું કરવું પડે? જાણો ઉમેદવારી માટે શું છે નિયમો અને પ્રોસેસ

દિલ્હીના રાજકીય વર્તુળોની વાત કરીએ તો ઘણા સમયથી એવી ચર્ચા ચાલી રહી હતી કે ભાજપ આ વખતે ગૌતમ ગંભીરને ટિકિટ નહીં આપે, આ ​​ચર્ચા વચ્ચે ગૌતમ ગંભીરે પોતાના ટ્વિટ દ્વારા આપેલી માહિતીથી ઘણું સ્પષ્ટ થઈ ગયું છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો