અનોખો પરચો / ગણેશજીની મૂર્તિ સામે ફેલ થઈ ગયા હતા તોપના ગોળા, વર્ષો પાણીમાં રહેવા પર પણ ન ઓગળી માટીની મૂર્તિ

• રાજસ્થાનમાં આ ગણેશ મૂર્તિનો અનોખો ઈતિહાસ રહ્યો છે
• દુશ્મન સેનાના તોપના ગોળા પણ નિષ્ફળ થયા હતા
• ગણેશજીની માટીની મૂર્તિ પાણીમાં પણ ઓગળી નહોતી

અહીં માટીની મૂર્તિ વર્ષો સુધી પાણીમાં રહ્યાં બાદ ઓગળી નહોતી

કહેવાય છે કે જ્યાં આસ્થા છે, ત્યાં ચમત્કાર પણ થાય છે. આવો જ ચમત્કાર કરનારી ભગવાન ગણેશજીની મૂર્તિ રાજસ્થાનના સીકર જિલ્લામાં ફતેહપુરી ગેટ સ્થિત વિજય ગણેશ મંદિરની મૂર્તિ છે, જેની સામે ક્યારેક દુશ્મન સેનાના તોપના ગોળા પણ નિષ્ફળ થયા હતા. એટલું જ નહીં, માટીની આ મૂર્તિ વર્ષો સુધી પાણીમાં રહ્યાં બાદ ઓગળતી નથી, જે એક ગજબ વાત માનવામાં આવે છે. આ જ કારણ છે કે શહેરના સૌથી જૂના અને સૌથી પ્રસિદ્ધ મંદિરમાં શ્રદ્ધાળુઓનો ધસારો દરેક સમયે લાગે છે. 

તોપના ગોળા પણ થયા હતા નિષ્ફળ

ઈતિહાસકાર મુજબ ફતેહપુરી ગેટ સ્થિત ગણેશજી વિજય ગણેસ કહેવાય છે, જેનો સંબં સીકર અને કાસલીમાં ભૂતકાળમાં થયેલા યુદ્ધ સાથે છે. તેઓ જણાવે છે કે 1840માં સીકરમાં રાવ દેવી સિંહના શાસનમાં કાસલીનો શાસક મહાબલી પૂરણમલ હતો. જેણે મુલ્તાનના અજય પહેલવાનને હરાવીને કાસલીની જાગીર બાદશાહ જહાંગીર તરફથી ભેટમાં પ્રાપ્ત કરી હતી. રાજા પૂરણમલ તાકાતના મદમાં ચૂર થવાને કારણે સીકરના નાની દરવાજા સુધી પહોંચીને રાવ દેવી સિંહને પણ યુદ્ધનો પડકાર આપ્યો હતો.

રાવ દેવી સિંહે કર્યો હતો હુમલો

જેને કારણે ક્રોધિત થયેલા રાવ દેવી સિંહે કાસલી પર હુમલો કર્યો. પરંતુ યુદ્ધમાં સીકર સેના દ્વારા છોડવામાં આવેલા તોપના બધા ગોળા કાસલીમાં નિષ્ફળ થયા. જેને કારણે ગુપ્તચરોએ રાવ દેવી સિંહને કાસલીમાં વિધ્નહર્તા ગણેશજીની મૂર્તિ હોવાનુ જણાવ્યું. ત્યારબાદ પુરોહિતોના કહેવા પર રાવ દેવી સિંહે રણભૂમિમાં જ વિધ્નહર્તા ગણેશજીનું ધ્યાન કર્યુ. ભગવાનને પૂરણમલના અત્યાચારોનો ઉલ્લેખ કરીને તેમણે જનકલ્યાણ માટે પોતાના વિજયની કામના ગણેશજી સાથે કરી. આ સાથે યુદ્ધ જીતતા આ મૂર્તિને સીકરમાં સ્થાપિત કરવાનો સંકલ્પ પણ લીધો. ઈતિહાસકાર મુજબ, ત્યારબાદ દેવી સિંહના દરેક પ્રયાસો સફળ થયા અને તેેઓ યુદ્ધ જીતી ગયા. ત્યારબાદ વિધ્નહર્તા ગણેશજીને સીકરમાં વિજય ગણેશના રૂપમાં પ્રતિષ્ઠિત કરવામાં આવ્યાં. જે આજે પણ નગરના આરાધ્ય દેવ છે.