બુધ વક્રી / આજથી થઈ રહી છે બુધની વક્રી, અમુક રાશિના લોકોની ચમકશે કિસ્મત પણ આ લોકો રહેજો સાવધાન

• વાણી અને બુદ્ધિનો ગ્રહ છે બુધ 
• બુધ ગ્રહ ની વક્રીની કઇ રાશિ પર શું અને કેવી અસર થશે 
• આ રાશિઓ માટે રહેશે શુભ 

બુધ ગ્રહ એ 21 ઓગસ્ટના રોજ કન્યા રાશિમાં પ્રવેશ કર્યો હતો. એટલા માટે 10 સપ્ટેમ્બર ના શનિવારથી એટલે કે આજથી બુધ કન્યા રાશિમાં પાછો ફરશે અને 2જી ઓક્ટોબર સુધી આ દશામાં રહેશે. બુધના વક્રીને કારણે તમામ 12 રાશિઓ પર તેની અસર પડશે. કેટલીક રાશિઓને આનાથી જબરદસ્ત ફાયદો થવાનો છે તો કેટલીક રાશિઓ માટે તે સામાન્ય રહેશે પણ આ સાથે કેટલીક રાશિના લોકોએ આ સમય દરમિયાન સાવચેત રહેવાની જરૂર છે. આવો જાણીએ કે બુધ ગ્રહ ની વક્રીની કઇ રાશિ પર શું અને કેવી અસર થશે.  

વાણી અને બુદ્ધિનો ગ્રહ છે બુધ 
બુધ ગ્રહને વાણી, બુદ્ધિ, બિઝનેસ અને વ્યવહારનો કારક માનવામાં આવે છે. બુધ તેની ઉચ્ચ રાશિમાં 8 સપ્ટેમ્બરના રોજ અસ્ત થયો હતો. હવે આજથી 10મી સપ્ટેમ્બરથી તે વક્રી થઈ રહ્યો છે. બુધની વક્રીને ખૂબ જ મહત્વપૂર્ણ માનવામાં આવે છે. બુધના વક્રી થવાના કારણે ઘણી રાશિના જાતકોને ઘણી સમસ્યાઓનો સામનો કરવો પડશે. જો કે બુધ જેટલું અશુભ ફળ આપે છે એટલું જ શુભ પરિણામ પણ આપે છે.

આ રાશિઓ માટે રહેશે શુભ 
બુધની વક્રી થવાને કારણે મેષ, સિંહ, વૃશ્ચિક, ધનુ અને કુંભ રાશિના લોકોનું ભાગ્ય ચમકી ઉઠશે. આ રાશિના જાતકો માટે આ બુધ વક્રીનો સમય ઘણો સારો રહેવાનો છે. આ રાશિના લોકોને નોકરી અને વ્યવસાયમાં આગળ વધવાની તક મળશે સાથે જ ઘણી પ્રગતિ ના દ્વાર પણ ખુલશે અને પૈસા ક્યાંક અટવાયા હશે તો તુરંત પરત મળશે.

આ રાશિઓ માટે રહેશે અશુભ 
10 સપ્ટેમ્બરથી 2 ઓક્ટોબર સુધી બુધની વક્રી સમયે  વૃષભ, મિથુન અને તુલા રાશિના લોકોએ સાવચેત રહેવું પડશે. આ સમય દરમિયાન પૈસાની ખોટ થઈ શકે છે, જેના કારણે આર્થિક મુશ્કેલીઓનો સામનો કરવો પડી શકે છે. નોકરી કરતા લોકોની બદલી થઈ શકે છે. 

આ લોકો માટે રહેશે સામાન્ય 
10 સપ્ટેમ્બરથી 2 ઓક્ટોબર સુધીનો બુધ વક્રીનો સમય કેટલીક રાશિઓ માટે ન તો શુભ કે ન તો અશુભ રહેશે. અમુક રાશિના જાતકો માટે આ સમય સામાન્ય રહેશે. જેમાં કર્ક, કન્યા, મકર અને મીન રાશિનો સમાવેશ થાય છે.