નિર્ણય / હવેથી અમદાવાદ એરપોર્ટ પર આટલાં કલાક પહેલાં પહોંચવું પડશે, તહેવાર તથા વર્લ્ડકપને ધ્યાને રાખતા મહત્વનો નિર્ણય

• ફ્લાઈટમાં મુસાફરી કરતા લોકો માટે મહત્વના સમાચાર
• ફ્લાઈટ માટે મુસાફરોએ 2 કલાક પહેલા પહોચવુ પડશે
• અમદાવાદ એરપોર્ટ એડવાઈઝરી જાહેર કરી
• દિવાળી તહેવાર, વર્લ્ડકપ ફાઈનલને લઈને મુસાફરોની સંખ્યામાં થશે વધારો

Ahmedabad Airport News : દિવાળીના તહેવાર વચ્ચે જો તમે ફ્લાઇટમાં બહાર જવાનું વિચારી રહ્યા છો તો આ સમાચાર તમારી માટે છે. વાય જાણે એમ છે કે, અમદાવાદ એરપોર્ટ દ્વારા મુસાફરોને ફ્લાઇટના સમય કરતાં વહેલા પહોંચવાની એડવાઇઝરી જાહેર કરાઇ છે. 

અમદાવાદ ઇન્ટરનેશન એરપોર્ટ ખાતે દરરોજ હજારોની સંખ્યામાં મુસાફરોની અવર-જવર હોય છે. આ તરફ હવે દિવાળીના તહેવારો અને આગામી 19 નવેમ્બરે અમદાવાદ સ્ટેડિયમમાં વર્લ્ડકપ ફાઇનલ મેચને લઈ મુસાફરોનો સંખ્યા વધી શકે છે. જેને લઈ હવે અમદાવાદ એરપોર્ટ દ્વારા મુસાફરો સબંધિત એક એડવાઇઝરી જાહેર કરવામાં આવી છે. 

અમદાવાદ એરપોર્ટે આ એડવાઇઝરીમાં કહ્યું છે કે, તહેવારો અને વર્લ્ડકપ ફાઇનલ મેચને લઈ એરપોર્ટમાં મુસાફરોનો ભારે ઘસારો જોવા મળી શકે છે. જેને લઈ મુસાફરો સિક્યુરિટી સહિતની ઔપચારિકતા સરળતાથી પૂર્ણ કરી શકે તે માટે ફ્લાઇટના સમયથી વહેલા આવવા અનુરોધ છે.