ડેન્ગ્યુ સારવાર ટિપ્સ / ડેન્ગ્યુમાંથી રિકવર થવું છે? તો ફૉલો કરો આ ટિપ્સ ને ફટાફટ સાજા થઇ જાઓ, આ રહ્યાં તેના લક્ષણ

• ડેન્ગ્યુમાંથી ઝડપથી સાજા થવા માટે હાઇડ્રેટેડ રહેવું ખૂબ જ જરૂરી છે
• ડેન્ગ્યુના કિસ્સામાં પણ તમારે ઘરે સારવાર ન કરાવવી જોઇએ
• ડેન્ગ્યુ દરમિયાન મોટાભાગની મહિલાઓને લાંબા સમય સુધી માસિક સ્રાવ થઈ શકે છે

Dengue Treatment: દેશભરમાં ડેન્ગ્યુના કેસ ઝડપથી વધી રહ્યા છે. જો કે વરસાદની સિઝનમાં અનેક રોગો અને ચેપનું જોખમ વધી જાય છે, પરંતુ આ સિઝનમાં મચ્છરોનો ખતરો વધી જાય છે. આવી સ્થિતિમાં મચ્છરોથી થતા રોગો પણ લોકોને પોતાની ઝપેટમાં લે છે. ડેન્ગ્યુ આમાંથી એક રોગ છે, જે આ દિવસોમાં દેશભરમાં ઝડપથી વધી રહ્યો છે. દેશના જુદા જુદા ભાગોમાંથી ડેંન્ગ્યુના કેસ સતત સામે આવી રહ્યા છે.

ડેન્ગ્યુ એ એક ગંભીર રોગ છે, જે એડીસ મચ્છરના કરડવાથી ફેલાય છે. તેને હાડકાનો તાવ પણ કહેવામાં આવે છે, જેના લક્ષણો ફ્લૂ જેવા જ છે. જો કે આ બીમારીથી બચવાનો શ્રેષ્ઠ ઉપાય એ છે કે, મચ્છરોથી દૂર રહેવું, પરંતુ જો તમે આ રોગનો શિકાર થઈ ગયા હોવ તો આ ટિપ્સની મદદથી તમે ઝડપથી સાજા થઈ શકો છો.

ડેન્ગ્યુના લક્ષણ
ડેન્ગ્યુ સંક્રમિત મચ્છરના કરડવાથી લોકોમાં ફેલાય છે. તેના લક્ષણોમાં નીચેનાનો સમાવેશ થાય છે-

• વધુ પડતો તાવ 
• માથાનો દુખાવો
• શરીરનો દુખાવો
• ઉબકા
• ફોલ્લીઓ
• પેટ દુખાવો
• ઉલ્ટી
• નાક અથવા પેઢામાંથી લોહી આવવુ
• બહુ થાક લાગવો

ડેન્ગ્યુમાંથી ઝડપથી સાજા થવા માટે આ ટિપ્સ અનુસરો
ડેન્ગ્યુનો કોઈ ઈલાજ નથી. આવી સ્થિતિમાં, કેટલીક ટિપ્સની મદદથી તમે આ રોગના લક્ષણોની અસરને ઘટાડી શકો છો. આવો જાણીએ તે ટિપ્સ વિશે-

પુષ્કળ પાણી કે પ્રવાહી પીઓ
ડેન્ગ્યુમાંથી ઝડપથી સાજા થવા માટે હાઇડ્રેટેડ રહેવું ખૂબ જ જરૂરી છે. તેથી, આ સમયગાળા દરમિયાન દરરોજ લગભગ 4-5 લિટર પ્રવાહી પીવાનો પ્રયત્ન કરો.

જાતે સારવાર ના કરો
ઘણા લોકોને એવી આદત હોય છે કે જ્યારે પણ તેમને કોઈ સમસ્યા આવે છે તો તેઓ સૌથી પહેલા પોતાની સારવાર કરવાનું શરૂ કરી દે છે. જો કે, કેટલીકવાર તમારી આ આદત તમારા સ્વાસ્થ્ય માટે હાનિકારક સાબિત થઈ શકે છે. ડેન્ગ્યુના કિસ્સામાં પણ તમારે ઘરે સારવાર ન કરાવવી જોઇએ. ઘરે બનાવેલા ઉકાળો અથવા તો પપૈયાના પાનના રસથી પણ દૂર રહો, કારણ કે તેનાથી ઉલ્ટી અને ઝાડા થઈ શકે છે.

કંઇકને કંઇક ખાતા રહો
ઘણીવાર બીમારી દરમિયાન કોઈને કંઈ ખાવાનું મન થતું નથી, પરંતુ જો તમે ડેન્ગ્યુના શિકાર છો તો દિવસભર કંઈકને કંઈક ખાતા રહો. જો કે, જો તમને ઉબકા કે ઉલટી થતી હોય, તો તરત જ તમારા ડૉક્ટરનો સંપર્ક કરો અને તમારી જાતને પ્રવાહી દ્વારા હાઇડ્રેટેડ રાખવાનો પ્રયત્ન કરો.

લાંબા સમય સુધી આવી શકે છે પીરિયડ્સ 
ડેન્ગ્યુ દરમિયાન મોટાભાગની મહિલાઓને લાંબા સમય સુધી માસિક સ્રાવ થઈ શકે છે. આવી સ્થિતિમાં, તમારી રિકવરી દરમિયાન પુષ્કળ પાણી પીવાનો પ્રયત્ન કરો, જેથી તે તમને જલ્દી સ્વસ્થ થવામાં મદદ કરશે.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.