નવતર પ્રયોગ / માત્ર ત્રણ મહિનામાં જ લાખોની કમાણી: ગુજરાતના આ વિસ્તારના ખેડૂતોએ પરંપરાગત ખેતી છોડીને અપનાવી નવી પદ્ધતિ

• શિક્ષિત બેરોજગાર યુવાન ખેતી તરફ વળ્યો
• તરબૂચની ખેતીથી કરી તગડી કમાણી
• દાદરા નગર હવેલીના ખેડૂતે અપનાવી આધુનિક ખેતી

ગુજરાતના ખેડૂતો જે રીતે પરંપરાગત ખેતી છોડીને આધુનિક ખેતી તરફ વળી રહ્યા છે.એ જ રીતે ગુજરાતની પાડોશમાં આવેલા સંઘપ્રદેશ દાદરાનગર હવેલીમાં પણ ખેડૂતોએ નીતનવા પ્રયોગ ચાલુ કર્યા છે. જણાવી દઈએ કે સંઘ પ્રદેશ દાદરા નગર હવેલી જ્યાં મોટા ભાગની વસ્તી આદિવાસી સમુદાયની છે. સંઘ પ્રદેશ દાદરા નગર હવેલી જ્યાં ઓછી જમીન હોવાના કારણે આદિવાસીઓ મોટાભાગે ડાંગર અથવા તો કઠોળની ખેતી કરતા હતા. પણ આ પંરપરાગત ખેતીથી તેમને જોઈએ તેવું વળતર મળતું ન હતું એવામાં હવે આ વિસ્તારમાં ખેતીની ભાગદોડ યુવાનો સંભાળવા લાગ્યા છે અને આ વિસ્તારના યુવાઓ હવે તરબૂચનું વાવેતર શરૂ કર્યું છે. 

તરબૂચની ખેતી કરી અને ત્રણ મહિનામાં લાખોની કમાણી કરી
ઔદ્યોગિક વિકાસ પાછળની આંધળી દોટના કારણે ખેતીલાયક જમીન દિવસે દિવસે ઘટી રહી છે તો બીજી તરફ પરિવારોમાં વિભાજન થતાં વડિલોપાર્જિત જમીનમાં પણ ભાગ પડે છે અને ખેતીલાયક જમીન નાના ટુકડામાં વહેંચાઈ રહી છે ત્યારે ઓછી જમીનમાં પણ વધુ ઉત્પાદન મેળવવાનો રસ્તો દાદરા નગર હવેલીના સીલીના ખેડૂતે શોધી કાઢ્યો છે. દાદરા નગર હવેલીના ખેડૂતોએ પરંપરાગત ખેતી છોડીને નવી પધ્ધતિ અપનાવી છે. એવામાં દાદરા નગર હવેલીના એક ખેડૂતે રોકડીયા પાક તરીકે આધુનિક પધ્ધતિથી તરબૂચની ખેતી કરી અને ત્રણ મહિનામાં લાખોની કમાણી કરી છે. સાથે જ આ યુવાન વિસ્તારના અન્ય ખેડૂતોને પણ પ્રેરણા પુરી પાડી રહ્યો છે. 

મલ્ચિંગ પધ્ધતિના ઉપયોગ સાથે તરબૂચની ખેતી શરૂ કરી
તો વાત એમ છે કે દાદરા નગર હવેલીના ખેડૂત દીકરાએ અભ્યાસ કર્યો પણ નોકરી ન મળી સાથે જ ખેતીમાં પુરતી આવક થતી ન હતી. એટલા માટે પીટીસી કર્યા બાદ દાદરા નગર હવેલીના યુવાને મલ્ચિંગ પધ્ધતિના ઉપયોગ સાથે તરબૂચની ખેતી શરૂ કરી. આ સાથે જ પીયત માટે ટપક સિંચાઈ પધ્ધતિનો ઉપયોગ કર્યો હતો. આ રીતે આધુનિક પધ્ધતિથી તરબૂચની ખેતી કરી અને ત્રણ મહિનામાં લાખોની કમાણી કરી છે. આ સાથે જ પ્રદેશનો ખેતીવાડી વિભાગ પણ આવા ખેડૂતોને પ્રોત્સાહન પૂરું પાડી રહ્યો છે.... 

હાલ ખેડૂતો માટે સૌથી મોટી સમસ્યા અપુરતા ભાવની છે ત્યારે દાદરા નગર હવેલીના સીલીના યુવા ખેડૂતે પોષણક્ષમ ભાવ મેળવવા માટે પોતે જાતે જ તરબૂચ વેચવાનું ચાલુ કર્યું અને કેટલાક તરબૂચ બજારમાં આપવાના સાથે પોતાની વાડી પાસે એક સ્ટોલ ખોલી જાતે જ વેચાણ કરી રહ્યા છે. આ રીતે વેચાણ કરવાથી આ ખેડૂત અને ગ્રાહક બંનેને ફાયદો થાય છે.