નિયમોમાં ફેરફાર / Netflixનો પાસવર્ડ શેર કરવો પડશે મોંઘો! કંપનીએ બહાર પાડ્યું નવું ફીચર, આપવા પડશે વધુ પૈસા

• Netflix એકાઉન્ટને ફક્ત ઘરના સભ્યો સાથે જ શેર કરી શકાશે 
• નવા ફીચર માટે યુઝર્સે ફી પણ ચૂકવવી પડશે
• Netflix ભારતમાં પણ પાસવર્ડ શેરિંગ ક્રેકડાઉન શરૂ કરી શકે

એ એક નવું ફીચર બહાર પાડવાનું શરૂ ર્યુ છે. જો કે Netflixના આ નવા ફીચરથી તેના યુઝર્સ ઘણા નિરાશ થઈ રહ્યા છે કારણ કે આ નવા ફીચર મુજબ કંપની પાસવર્ડ શેરિંગ કરવાનું બંધ કરી રહી છે. જણાવી દઈએ કે કંપની આ ફીચરને ઘણા દેશોમાં રોલઆઉટ કરી રહી છે. નોંધનીય છે કે આ અંગે અગાઉ પણ અહેવાલો આવી ચૂક્યા છે પણ હવે કંપનીએ તેને જારી કરવાનું શરૂ કરી દીધું છે. 

Netflix એકાઉન્ટને ફક્ત ઘરના સભ્યો સાથે જ શેર કરી શકાશે 
એક રિપોર્ટ અનુસાર Netflix એ કેનેડા, ન્યુઝીલેન્ડ, પોર્ટુગલ અને સ્પેનમાં પાસવર્ડ શેરિંગ પર ક્રેકડાઉન કર્યું છે. આ સાથે જ અગાઉ કંપનીએ ચિલી, કોસ્ટા રિકા, પેરુ અને બીજા દેશોમાં આ ફીચરનું ટેસ્ટ કર્યું હતું. કંપનીના જણાવ્યા અનુસાર Netflix એકાઉન્ટને ફક્ત ઘરના સભ્યો સાથે જ શેર કરી શકાય છે. એટલે કે આ ફીચરનો અર્થ એ છે કે એક જ જગ્યાએ રહેતા એકાઉન્ટ ઓનર્સ તેનો ઉપયોગ કરી શકે છે. જણાવી દઈએ કે Netflix હવે દરેક એકાઉન્ટ માટે પ્રાઇમરી લોકેશન સેટ કરશે. આ સાથે જ કંપનીએ કહ્યું કે જો તમે એકાઉન્ટને ઘરની બહાર એ પણ બે લોકો સુધી શેર કરવા માંગો છો તો એ માટે સ્ટાન્ડર્ડ અથવા પ્રીમિયમ ટાયરમાં સબ્સ્ક્રિપ્શન કરવું પડશે. 

નવા ફીચર માટે યુઝર્સે ફી પણ ચૂકવવી પડશે
Netflixના આ નવા ફીચર અનુસાર આ માટે યુઝર્સે ફી પણ ચૂકવવી પડશે. જણાવી દઈએ કે કેનેડા અને ન્યુઝીલેન્ડમાં તેની કિંમત $8 અને સ્પેનમાં €6 છે. આ સાથે જ કંપનીએ વધુમાં જણાવ્યું છે કે સબ્સ્ક્રાઇબર્સ હજી પણ તેમના પર્સનલ ડિવાઇસ પર નેટફ્લિક્સ જોઈ શકે છે અથવા નવા ટીવી પર લૉગિન કરી શકે છે જેમ કે તેઓ હોટલ અથવા હોલિડે રેન્ટલ પર કરે છે. 

Netflix ભારતમાં પણ પાસવર્ડ શેરિંગ ક્રેકડાઉન શરૂ કરી શકે
આ સાથે જ નેટફ્લિક્સે તાજેતરમાં એક નવું ફીચર બહાર પાડ્યું છે અને એ ફિચરની મદદથી યુઝર્સ ટ્રૅક કરી શકે છે કે કેટલા લોકો પાસે તેમના Netflix એકાઉન્ટની ઍક્સેસ છે. આ માટે યુઝર્સે ફક્ત એમના મેનેજ એકાઉન્ટ એક્સેસ અને ડિવાઇસીસ સેકશનમાં જવું પડશે. ત્યાં યુઝર્સને એમની તમામ વિગતો ત્યાં દેખાશે. આ સાથે જ તેમાં ઉપકરણનું સ્થાન અને IP સરનામું પણ શામેલ છે.  એટલા માટે એવું માનવામાં આવે છે કે કંપની ટૂંક સમયમાં ભારતમાં પણ પાસવર્ડ શેરિંગ ક્રેકડાઉન શરૂ કરી શકે છે. આ સાથે યુઝર્સ પાસવર્ડ શેરિંગમાં લિમિટ લગાવવામાં આવશે.