રિપોર્ટ / મહુઆ મોઇત્રાનું સંસદ પદ ગયું સમજો! એથિક્સ કમિટીએ પસાર કર્યો ઠરાવ, કોંગ્રેસ સાંસદનું મતદાન ચર્ચામાં

• એથિક્સ કમિટીએ મહુઆ મોઇત્રા વિરુદ્ધ ઠરાવ પસાર કર્યો
• સમિતિએ ગુરુવારે એક મહત્વપૂર્ણ બેઠક યોજી હતી
• બેઠકમાં સમિતિનો 500 પાનાનો અહેવાલ સ્વીકારવામાં આવ્યો 
• છ સભ્યોએ અહેવાલ સ્વીકારવાનું સમર્થન કર્યું હતું 

લોકસભાની એથિક્સ કમિટીના છ સભ્યોએ તૃણમૂલ કોંગ્રેસ (TMC) સાંસદ મહુઆ મોઇત્રાને "લાંચ લેતી વખતે પ્રશ્નો પૂછવાના" આરોપમાં સંસદના નીચલા ગૃહમાંથી હાંકી કાઢવાની ભલામણ કરી છે. ભારતીય જનતા પાર્ટી (BJP) સાંસદ વિનોદ કુમાર સોનકરની આગેવાની હેઠળની સમિતિએ ગુરુવારે એક મહત્વપૂર્ણ બેઠક યોજી હતી. જેમાં સમિતિનો 500 પાનાનો અહેવાલ સ્વીકારવામાં આવ્યો હતો. સોનકરે બેઠક બાદ પત્રકારોને જણાવ્યું હતું કે સમિતિના છ સભ્યોએ અહેવાલ સ્વીકારવાનું સમર્થન કર્યું હતું અને ચારે તેનો વિરોધ કર્યો હતો. તમને જણાવી દઈએ કે હવે આ રિપોર્ટ આગળની કાર્યવાહી માટે લોકસભા સ્પીકર ઓમ બિરલાને મોકલવામાં આવશે. ભાજપના સાંસદ નિશિકાંત દુબેએ મોઇત્રા પર લાંચના બદલામાં ઉદ્યોગપતિ દર્શન હિરાનંદાનીના કહેવા પર અદાણી જૂથને નિશાન બનાવવા માટે લોકસભામાં પ્રશ્નો પૂછવાનો આરોપ મૂક્યો હતો. મોઇત્રાએ આરોપોને ફગાવી દીધા હતા.

STORY | Lok Sabha Ethics Committee recommends expulsion of Mahua Moitra in 'cash-for-query' matter

READ: https://t.co/j1RStSrLf1 pic.twitter.com/u69MC89k0E

— Press Trust of India (@PTI_News) November 9, 2023

સમિતિમાં કોના કેટલા સભ્યો છે?

રિપોર્ટ અનુસાર, 6 સાંસદોએ મહુઆ મોઇત્રાને લોકસભામાંથી હાંકી કાઢવાની તરફેણમાં મતદાન કર્યું હતું, જ્યારે 4 વિપક્ષી સાંસદોએ એથિક્સ કમિટીના રિપોર્ટની વિરુદ્ધમાં મતદાન કર્યું હતું. તમને જણાવી દઈએ કે આ 15 સભ્યોની એથિક્સ કમિટીમાં ભાજપના સાત સભ્યો, કોંગ્રેસના ત્રણ અને બસપા, શિવસેના, વાયએસઆર કોંગ્રેસ પાર્ટી, માર્ક્સવાદી કમ્યુનિસ્ટ પાર્ટી (સીપીઆઈ-એમ) અને જનતા દળ (યુનાઈટેડ)ના એક-એક સભ્યનો સમાવેશ થાય છે. મહુઆની હકાલપટ્ટીના સમર્થનમાં મતદાન કરનારાઓમાં કોંગ્રેસ સાંસદ પ્રનીત કૌર પણ સામેલ છે. તમને જણાવી દઈએ કે પ્રનીત કૌર કેપ્ટન અમરિંદર સિંહની પત્ની છે. અમરિન્દર સિંહે કોંગ્રેસ છોડ્યા બાદ તેમને પાર્ટી વિરોધી ગતિવિધિઓના આરોપમાં પાર્ટીમાંથી સસ્પેન્ડ કરવામાં આવ્યા હતા.

Ethics Committee adopts report on 'cash-for-query' allegations against TMC MP Mahua Moitra

Edited video is available on PTI Videos (https://t.co/L2D7HH309u) #PTINewsAlerts #PTIVideos @PTI_News pic.twitter.com/Nl5AgtC8lx

— PTI News Alerts (@PTI_NewsAlerts) November 9, 2023

રિપોર્ટ પર કોઈ ચર્ચા થઈ નથી : JDU સાંસદ

દરમિયાન, પેનલના સભ્ય અને જેડીયુ સાંસદ ગિરધારી યાદવે કહ્યું કે સભ્યો વચ્ચે રિપોર્ટ પર કોઈ ચર્ચા થઈ નથી. તેમણે વધુમાં કહ્યું, "આ નિયમોનું ઘોર ઉલ્લંઘન છે. તમે માત્ર ઉલટતપાસ કરી છે. તે પછી, તમારે ચર્ચા કરવા માટે પેનલના સભ્ય સાથે બેઠક કરવી જોઈતી હતી. તેમની પાસે બહુમતી છે અને તેથી તેઓ કંઈપણ કરી શકે છે." જ્યારે વિપક્ષ માટે ઉપલબ્ધ વિકલ્પો વિશે પૂછવામાં આવ્યું ત્યારે, સાંસદે મહુઆ મોઇત્રાને સમર્થન આપ્યું અને કહ્યું, "મહાભારત (યુદ્ધ) દ્રૌપદીના અપહરણને કારણે થયું હતું.