મનોરંજન / ધ ગ્રેટ ઈન્ડિયન કપિલ શૉ સિઝન 3ના પહેલા એપિસોડની તારીખ જાહેર, ભાઈજાન બન્યા મહેમાન

કપિલ શર્માના કોમેડી શો ધ ગ્રેટ ઇન્ડિયન કપિલ શોની સીઝન 3 ખૂબ જ ટૂંક સમયમાં પરત ફરી રહી છે. હવે શોના પહેલા એપિસોડની રિલીઝ તારીખ જાહેર કરવામાં આવી છે. આ સાથે, ધ ગ્રેટ ઇન્ડિયન કપિલ શો સીઝન 3ના પહેલા મહેમાનનું નામ પણ જાહેર કરવામાં આવ્યું છે. કપિલ શર્માએ પોતે સોશિયલ મીડિયા પર શોના પહેલા એપિસોડની રિલીઝ તારીખ અને પહેલા મહેમાનનું નામ જાહેર કર્યું છે.'ધ ગ્રેટ ઇન્ડિયન કપિલ શો સીઝન 3'નો પહેલો એપિસોડ 21 જૂન, 2025ના રોજ નેટફ્લિક્સ પર સ્ટ્રીમ થશે. આ શોમાં પહેલા મહેમાન બોલિવૂડ સુપરસ્ટાર સલમાન ખાન બનવાના છે. કપિલ શર્માએ ઇન્સ્ટાગ્રામ પર સલમાન ખાન સાથેનો ફોટો શેર કરીને આ માહિતી આપી છે.

પહેલો એપિસોડ ક્યારે આવશે

કપિલ શર્માએ ધ ગ્રેટ ઇન્ડિયન કપિલ શો સીઝન 3નું પોસ્ટર શેર કર્યું છે. જેમાં તે સલમાન ખાનને ગળે લગાવતો જોવા મળે છે. આ સાથે, તેણે લખ્યું છે કે "આ સીઝનની શરૂઆત સ્વેગ સાથે, સિકંદર સાથે કરીશ. ધ ગ્રેટ ઇન્ડિયન કપિલ શો સીઝન 3 21જૂનથી દર શનિવારે રાત્રે 8 વાગ્યે ફક્ત નેટફ્લિક્સ પર જુઓ. ઉપરાંત, હવે નેટફ્લિક્સ પર સિકંદર જુઓ."

આ મહેમાનો પણ શોનો ભાગ બનશે

નવજોત સિંહ સિદ્ધુ 'ધ ગ્રેટ ઇન્ડિયન કપિલ શો સીઝન 3'માં પાછા ફરી રહ્યા છે. તે લગભગ 5 વર્ષ પછી શોમાં જજ તરીકે વાપસી કરી રહ્યા છે. સલમાન ખાન ઉપરાંત, ભારતીય ક્રિકેટર યુઝવેન્દ્ર ચહલ, ક્રિકેટર ગૌતમ ગંભીર, ઋષભ પંત અને અભિષેક શર્મા પણ આગામી એપિસોડમાં શોનો ભાગ બનશે. યુઝવેન્દ્ર ચહલે શૂટિંગ દરમિયાન નવજોત સિંહ સિદ્ધુ અને કપિલ શર્મા સાથેની પોતાની ઘણી તસવીરો ઇન્સ્ટાગ્રામ પર શેર કરીને આ વાતની પુષ્ટિ કરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ