નિર્ણય / હવેથી English બોલવા પર આ દેશમાં પ્રતિબંધ! ઉલ્લંઘન કરવા પર થશે 89 લાખ સુધીનો દંડ

• વિદેશી ભાષા મામલે ઈટલીની સરકારે મોટો નિર્ણય
• અંગ્રેજી કે અન્ય કોઈ ભાષાનો ઉપયોગ કરી શકશે નહીં
• અંગ્રેજી બોલવા કે લખવા પર પ્રતિબંધ મૂકતું બીલ સંસદમાં રજૂ કર્યું

ઇંગલિશ સહિતની વિદેશી ભાષા મામલે ઈટલીની સરકારે મોટો નિર્ણય લીધો છે  જેમાં આવે ત્યાંના લોકો દેશમાં અંગ્રેજી કે અન્ય કોઈ ભાષાનો ઉપયોગ કરી શકશે નહીં! આ મામલે સ્થાનિક સરકારે અલગ કાયદો બનાવવા અંગ્રેજી બોલવા કે લખવા પર પ્રતિબંધ મૂકતું બીલ સંસદમાં રજૂ કર્યું છે. આ બિલ પર સંસદમાં ચર્ચા થવાની છે, ત્યાંથી પસાર થઈ જશે તો ઈટાલીમાં અંગ્રેજી સહિત અન્ય વિદેશી ભાષાઓના ઉપયોગ પર પ્રતિબંધ લાગશે. જે પાસ થયા બાદ અને આ નિયમનું ઉલ્લંઘન કરવામાં આવશે તો ભારે દંડની પણ જોગવાઈ કરવામાં આવી છે. મહત્વનું છે કે ઇટલીના વડાપ્રધાન જ્યોર્જિયા મેલોનીની બ્રધર્સ ઓફ ઇટલી પાર્ટી દ્વારા આ નિર્ણય કરાયો હતો.

માતૃભાષા જ સર્વસ્વ: ઈટાલીના સત્તાધારી પક્ષે દેશમાં અંગ્રેજી બોલવા કે લખવા પર પ્રતિબંધ મૂકતું બીલ સંસદમાં રજૂ કર્યું#Italy #english #vtvgujarati #VTVcard pic.twitter.com/IoRVJuoKDG

— VTV Gujarati News and Beyond (@VtvGujarati) April 3, 2023

નિયમન ઉલ્લંઘન બદલ 89,33,458નો દંડ
સીએનએનના રિપોર્ટમાં જણાવ્યા અનુસાર જ્યારે કોઈપણ ઇટાલિયન નાગરિક પોતાના સંદેશા વ્યવહાર દરમિયાન અંગ્રેજી અથવા કોઈ વિદેશી ભાષાનો ઉપયોગ કરશે તો તેને ઇટલીના વડાપ્રધાન જ્યોર્જિયા મેલોનીની બ્રધર્સ ઓફ ઇટલી પાર્ટી દ્વારા લેવાયેલા નિર્ણય મુજબ 100,000 યુરો એટલે કે (89,33,458)નો દંડ ચૂકવવો પડશે.

ચેમ્બર ઓફ ડેપ્યુટીસમાં રજૂ કરવામાં આવ્યો કાયદો
આ અંગેનો નવો કાયદો ફેબિયા રામપેલી દ્વારા ઇટાલિયન ચેમ્બર ઓફ ડેપ્યુટીસમાં રજૂ કરવામાં આવ્યો છે. જેને ત્યાંના વડાપ્રધાન સહિતનાઓએ ટેકો આપ્યો હતો અને કાયદાની રજૂઆતમાં જણાવ્યું હતું કે કોઈપણ વિદેશી ભાષા મોટા ભાગે અંગ્રેજી શબ્દના ઉપયોગને આધારિત હોય તેનાથી ઇટાલીન ભાષા અપમાનિત થતી હોય તેવી લાગણી અનુભવાય છે.આથી વધુમાં તેમણે કહ્યું કે બ્રિટન હવે યુરોપિયન યુનિયનનો ભાગ નથી.