- ફ્રેન્ચ ફ્રાઈઝ શરીર માટે હાનિકારક
- રિસર્ચ અનુસાર ફ્રાઈડ પોટાટો ખાવાથી હેલ્થ થાય છે ખરાબ
- ડિપ્રેશન અને એન્ઝાઈટીનો બની શકો છો શિકાર
બાળકોથી લઇને વડીલો સુધી બધાંને ફ્રેન્ચ ફ્રાઇઝ પસંદ હોય છે. ટાઇમપાસ અને મજા માટે આરોગવામાં આવતી ફ્રેન્ચ ફ્રાઇઝનું ચલણ વધ્યું છે. બજારમાં પણ તે અલગ અલગ પ્રકારની ફ્લેવરમાં ઉપલબ્ધ હોય છે. છેલ્લાં કેટલાંક વર્ષોથી આપણા ત્યાં ફ્રેન્ચ ફ્રાઇઝ ખૂબ જ લોકપ્રિય છે. લોકો મેકડોનાલ્ડ્સથી લઇને પિઝા હટ જેવી મોટી મોટી જગ્યાઓએ જઇને મીલમાં ફ્રેન્ચફ્રાઇઝ એડ કરાવવાનું બિલકુલ ભૂલતા નથી. તમે જાણો છો કે આ સ્વાદથી ભરપૂર ફ્રેન્ચ ફ્રાઇઝ તમે ખાઈ તો રહ્યાં છો, પરંતુ તે તમારી હેલ્થ માટે ખતરનાક છે. તમારા માટે પણ એ વાત આશ્ચર્યજનક હોઇ શકે છે કે ફ્રેન્ચ ફ્રાઇઝના વધુ પડતા સેવનથી એન્ગઝાઇટી અને ડિપ્રેશનની સમસ્યા થાય છે. એક નવા રિસર્ચમાં એ વાત સામે આવી છે.
ફ્રેન્ચ ફ્રાઇઝના સેવનથી ડિપ્રેશનનો શિકાર
અભ્યાસ મુજબ શારીરિક રીતે ફ્રેન્ચ ફ્રાઇઝને અનહેલ્ધી માનવામાં આવે છે. તે ફેટ વધારનાર માનવામાં આવે છે, પરંતુ તે મેન્ટલ હેલ્થ પર પણ ખરાબ અસર કરે છે. જાણકારો માને છે કે ફ્રાઇડ ફૂડ ખાસ કરીને ફ્રાઇડ પોટેટોથી એન્ગઝાઇટી અને ડિપ્રેશનનું રિસ્ક અનેકગણું વધી જાય છે.ફ્રેન્ચ ફ્રાઇઝ અનહેલ્ધી હોવા છતાં મોટા પ્રમાણમાં ખવાય છે. તાજેતરના રિસર્ચમાં ચોંકાવનારાં પરિણામો સામે આવ્યાં છે. પ્રોસિડિંગ્સ ઓફ ધ નેશનલ એકેડેમી ઓફ સાયન્સે કરેલા સંશોધનમાં જણાવાયું છે કે ફ્રાઇડ ફૂડ આઇટમ્સ ખાસ કરીને ફ્રેન્ચ ફ્રાઇઝને સતત ખાવાથી ડિપ્રેશન અને એન્ગઝાઇટી થવાનું રિસ્ક વધી જાય છે.
સતત વધી રહ્યાં છે ડિપ્રેશનના દર્દીઓ
રિસર્ચમાં જાણવા મળ્યું છે કે લોકો સતત ફ્રાઇડ ફૂડનું સેવન કરે છે, તેમાં એન્ગઝાઇટીના કેસ ૧૨ ટકા અને ડિપ્રેશનના સાત ટકા વધુ જોવા મળ્યા છે. નિષ્ણાતોનું કહેવું છે કે રિસર્ચ પ્રારંભિક તબક્કામાં છે, પરંતુ એ વાત તો સ્પષ્ટ છે કે ફ્રાઇડ ફૂડ અને ખાસ તો ફ્રેન્ચ ફ્રાઇઝ મેન્ટલ હેલ્થ પર અસર કરે છે. ખરાબ ન્યુટ્રિશન મેન્ટલ હેલ્થ કંડિશનને પ્રોત્સાહન આપે છે.
