મોટા સમાચાર / ઓક્સિજનની અછત વચ્ચે મોટા સમાચાર, DRDOએ તૈયાર કરેલ આ દવાને DCGIની મંજૂરી

• કોરોનાના દર્દીઓ માટે રાહતના સમાચાર 
• DRDOએ તૈયાર કરેલી દવાને DCGIની મંજૂરી 
• દવા લેનાર દર્દીને ઓક્સિજનની તકલીફો ઓછી થાય છે 

DRDOની એક લેબ ઇન્ટીટ્યૂટ ઓફ ન્યૂક્લિયર મેડિસિન એન્ડ એલાઈડ સાયસન્સ દ્વારા ડોક્ટર રેડ્ડીની લેબની સાથે મળીને તૈયાર કરવામાં આવેલ ઓરલ દવા 2-DGના ઇમરજન્સી ઉપયોગ માટે મંજૂરી આપવામાં આવી છે. 

કોરોનાના દર્દીઓ માટે અસરકારક નીવડી 

ઉલ્લેખનીય છે કે, દવાના ક્લિનિકલ ટ્રાયલના પરિણામો જણાવે છે કે, આ દવા હોસ્પિટલમાં રહેલા કોરોનાના દર્દીઓની ઝડપથી રિકવરી માટે અસરકારક નીવડી છે, સાથે જ આ દવા દર્દીઓની ઓક્સિજનની જરૂરીયાતને પણ ઘટાડે છે. 

કોરોનાના દર્દી પર અસરકારક નીવડી 

જણાવવામાં આવ્યું છે કે, આ દવા લેનાર કોરોનાના દર્દીઓનો RT-PCR ટેસ્ટ નેગેટિવા આવ્યો છે. આ મહામારીમાં કોરોના વાયરસ સામે બાથ ભીડી રહેલા લોકો માટે આ દવા ખૂબ જ ફાયદાકારક નીવડી છે. PM મોદી દ્વારા કોરોના મહામારી લડવાની વાતનો અમલ કરતા DRDOએ આ દવા વિકસાવી છે. 

DCGIએ મે 2020માં ટ્રાયલને આપી હતી મંજૂરી 

એપ્રિલ 2020 માં, મહામારીની પ્રથમ લહેર દરમિયાન, INMAS-DRDO વૈજ્ઞાનિકોએ હૈદરાબાદના સેન્ટર ફોર સેલ્યુલર અને મોલેક્યુલર બાયોલોજી (CCMB) ની મદદથી પ્રયોગશાળામાં પ્રયોગો કર્યા અને જાણવા મળ્યું કે આ પરમાણુ SARS-CoV-2 વાયરસ સામે અસરકારક રીતે કામ કરી રહ્યો છે અને વાયરસના પરિણામોના આધારે, DCGIએ મે 2020 માં આ દવાના બીજા તબક્કાના ટ્રાયલને મંજૂરી આપી.

પરીક્ષણમાં મળ્યા અસરકારક પરિણામ 

DRDO એ તેના ઉદ્યોગ ભાગીદાર ડો.રેડ્ડીઝ લેબોરેટરીઝ ((DRL, હૈદરાબાદ) ની સાથે મળીને COVID-19 દર્દીઓમાં ડ્રગની સલામતી અને અસરકારકતાના પરીક્ષણ પરીક્ષણની શરૂઆત કરી. 2020 ના મેથી ઓક્ટોબર-20 દરમિયાન હાથ ધરવામાં આવેલા તબક્કા-II ના પરીક્ષણોમાં, આ દવા COVID-19 દર્દીઓમાં સલામત હોવાનું જણાયું હતું, અને તેમની રિકવરી રેટમાં નોંધપાત્ર સુધારો થયો હતો.