- ડો અતુલ ચગનો આપઘાતનો મામલો
- મૃતકના પરિવારજનોએ પુરાવા સાથે લેખિત અરજી આપી છે
- ગીર સોમનાથ પોલીસ ને 24 કલાક નુ અલ્ટીમેટમ
- પોલીસ કાર્યવાહી નહી કરે તો આગામી દિવસોમાં આંદોલનની ચિમકી
વેરાવળનાં જાણિતા ર્ડા.અતુલ ચગના આત્મહત્યા મામલે રઘુવંશી યુવા અગ્રીણી રાકેશ દેવાણીનું અલ્ટીમેટમ આપ્યું છે. આપઘાત કેસમાં પોલીસ FIR કરે તેવી માંગ કરી છે. મૃતકના પરિવારજનોએ પુરાવા સાથે લેખિત અરજી આપી છે. ગીર સોમનાથ પોલીસને 24 કલાકનું અલ્ટીમેટમ આપ્યું છે. જો પોલીસ 24 કલાકમાં કાર્યવાહિ નહી કરે તો આગામી દિવસોમાં આંદોલનની ચીમકી ઉચ્ચારી છે.
24 કલાકમાં યોગ્ય કાર્યવાહિ નહી થાય તો જલદ કાર્યક્રમો કરશું
આ બાબતે રઘુવંશી સમાજના યુવા અગ્રણી રાકેશ દેવાણીએ જણાવ્યું હતું કે ર્ડા. અતુલ ચગના પરિવારજનો દ્વારા લેખિતમાં અરજી પોલીસને આપવામાં આવી છે. પરિવાર દ્વારા પુરાવા સાથે નામ પણ પોલીસને આપવામાં આવ્યા છે. ત્યારે 24 કલાકમાં પોલીસ દ્વારા ફરિયાદ ફાડીને યોગ્ય કાર્યવાહિ કરવામાં આવે તેવી માંગ કરી છે. જો 24 કલાક બાદ પણ પોલીસ દ્વારા કોઈ કાર્યવાહિ કરવામાં નહી આવે તો જલદ કાર્યક્રમોની શરૂઆત વેરાવળથી કરીશું તેમ જણાવ્યું હતું.
પરિવારજનોનો આક્ષેપ
પરિવારજનોએ કહ્યું કે, અતુલ ચગે રાજેશ ચુડાસમાના પિતાનો જીવ બચાવ્યો હતો. આમ છતાં તેમણે અતુલ ચગનો જીવ લીધો છે. વધુમાં પરિવારના સભ્યોએ કહ્યું કે, ડૉ.અતુલ ચગ આર્થિક કારણથી આવું પગલું ક્યારેય ભરે નહીં. તે મજબૂત મનોબળના માનવી હતા. અતુલ ચગે પોતાના જીવનમાં અનેક ચડાવ-ઉતાર જોયા છે. જેથી તે આર્થિક કારણોસર આત્મહત્યા જેવું પગલું ભરી શકે નહીં. ઉલ્લેખનીય છે કે, ગઈકાલે ડૉ.અતુલ ચગે ગળેફાંસો ખાઈને આપઘાત કર્યો હતો. આ આત્મહત્યા આર્થિક કારણોને લઇ કરી હોવાની આશંકા વ્યક્ત કરવામાં આવી હતી.
ન્યાય આપવાની માગ
આત્મહત્યા બાદ તબીબ અતુલ ચગની સુસાઇડ નોટ પણ મળી હતી. જેમાં નારણ નામના વ્યક્તિ અને રાજેશ ચુડાસમાનું નામ હતું. જેથી રઘુવંશી ક્રાંતિ મંચના ઉપપ્રમુખે રાજકીય વગ ધરાવતા લોકોને આપઘાત માટે જવાબદાર ગણાવ્યા હતા. સાથે જ તેમણે સુસાઇડ નોટમાં રાજકીય વગ ધરાવતા લોકોના નામ હોવાનું નિવેદન આપ્યું હતું. જવાબદાર લોકો સામે નક્કર કાર્યવાહી કરવા અને મૃતક તબીબના પરિવારને ન્યાય આપવાની માગ કરી હતી
આત્મહત્યા મામલે ડૉ.જલ્પન રૂપાપરાએ પોસ્ટ વાયરલ કરી
વેરાવળના ડૉ.અતુલ ચગની આત્મહત્યા મામલે ડૉ.જલ્પન રૂપાપરાએ ડૉ.અતુલ ચગના પરિવારને ન્યાય આપવાની માગ કરી છે. ડૉ.જલ્પન રૂપાપરાની અતુલ ચગ વિશે લખેલી પોસ્ટ વાઇરલ કરી છે તેમણે લખ્યું છે કે, ડૉ. ચગ ચોરવાડના નારણભાઇ ચુડાસમા પાસે પેસા માંગતા હતા અને ડૉ.ચગને હું મળ્યો ત્યારે તેમણે મને નાણાની વાત કરી હતી. તેમણે લખ્યું કે, ડૉ.ચગને અઢી કરોડ જેટલા રૂપિયા ચોરવાડના નારણભાઇ પાસેથી લેવાના હતા. તેમણે લખ્યું કે, નારણભાઇ રૂપિયા ન આપતા હોવાથી ડૉ.ચગ વ્યથિત હતા અને ડૉ.ચગ અને તેના પરિવારને ન્યાય મળવો જોઇએ
