Makar Sankranti 2024 / ઉત્તરાયણના દિવસે જરૂર કરો આ વસ્તુઓનું દાન: ધોવાઈ જશે જીવનના પાપ, ધન-ધાન્યથી સંપન્ન રહેશે પરિવાર

• મકરસંક્રાંતિનાં દિવસે સૂર્યદેવની પૂજા કરવામાં આવે છે
• કેટલાક લોકો મકરસંક્રાંતિનાં દિવસે ઉપવાસ પણ કરે છે
• તાંબાનાં વાસણથી સૂર્યદેવને જળ અર્પણ કરવું

ભારતીય જ્યોતિષશાસ્ત્રમાં બાર રાશિઓ છે. સૂર્ય ભગવાનની એક રાશિમાંથી બીજી રાશિમાં અવરજવરને સંક્રાંતિ કહેવામાં આવે છે. આ રીતે એક વર્ષમાં 12 સંક્રાન્તિઓ આવે છે. આમાંથી કેટલીક સંક્રાન્તિ પર્વ તરીકે ઉજવવામાં આવે છે. આ વખતે મકરસંક્રાંતિનું પર્વ 15 જાન્યુઆરીનાં રોજ છે. પૌરાણિક ગ્રંથો અનુસાર મકરસંક્રાંતિના દિવસે સ્નાન, ઉબટન, હવન, અલ્પાહાર, ભોજન અને દાન આ છ કાર્યો તલ વડે કરવામાં આવે છે. આ દિવસે રોજિંદા ઉપયોગમાં લેવામાં આવતી વસ્તુઓ તલ, ગોળ, બાજરીનો દલિયા, ખીચડી, ઘી, કપડાં, ધાબળા વગેરેનું દાન કરવામાં આવે છે.

શુભ કાર્યોની શરૂઆત થાય છે 
કેટલાક લોકો મકરસંક્રાંતિનાં દિવસે ઉપવાસ પણ કરે છે. મકરસંક્રાંતિનાં દિવસે સૂર્યદેવની પૂજા કરવામાં આવે છે. લોકો નદી અને તળાવે જઈને સ્નાન કરે છે. આ સાથે ખિચડી અને તલનું દાન કરે છે. લોકો ફરી પોતાના પરિવારમાં થનાર લગ્ન અને શુભ કાર્યની શરૂઆત કરે છે. 

કઈ વસ્તુનું દાન કરવું 
મકરસંક્રાંતિનાં દિવસે સવારે તલનાં ઉબટનથી સ્નાન કર્યા બાદ આંગણામાં ચોરસ બાંધીને આઠ પાંખડીવાળા કમળની અલ્પના કરવામાં આવે છે અને તેમાં સૂર્યદેવનું આહ્વાન કરવામાં આવે છે. સૂર્યોદય થયા બાદ સૂર્ય મંત્રનાં ઉચ્ચારણ સાથે તાંબાનાં વાસણથી સૂર્યદેવને જળ અર્પણ કરવું. ત્યારબાદ ખિચડી માટે કઠોળની દાળ, ચોખા, તલ, ગોળ, ઘી, શાકભાજી, ફળ, તલનાં લાડુ અને રેવડીનું દાન કરવું જોઈએ. ધાબળા, ઊની કપડાં અને નવા વાસણો પણ 14 ની સંખ્યામાં દાનમાં આપવામાં આવે છે. સંક્રાંતિના દિવસે આપવામાં આવેલું દાન તમને પાપમાંથી મુક્તિ અપાવે છે. 

વાંચવા જેવું: કન્યા, કુંભ, ધનુ સહિત આ 4 રાશિન માટે ઉત્તરાયણ અતિશુભ: થશે અનેક લાભ, ભાગ્યનો થશે ઉદય

ઉત્તરાયણના અને દક્ષિણાયન 
આ દિવસે સૂર્યદેવ ધન રાશિથી મકર રાશિમાં પ્રવેશ કરે છે, એટલા માટે મકરસંક્રાંતિનું પર્વ ઉજવવામાં આવે છે. આ દિવસે સૂર્યદેવ ઉતરાયણ થાય છે. મકરસંક્રાંતિ સૂર્યનાં ઉતરાયણને અને કર્ક સંક્રાંતિ સૂર્યનાં દક્ષિણાયન થવાને કહેવામાં આવે છે. ઉત્તરાયણ કાળ દરમિયાન સૂર્ય ભગવાન ઉત્તર તરફ વળે છે અને દક્ષિણાયન કાળ દરમિયાન સૂર્ય ભગવાન દક્ષિણ તરફ વળે છે. મકરસંક્રાંતિ પર સ્નાન અને દાનનું ઘણું મહત્વ છે.