NULL / ટ્રમ્પે કરી મોટી જાહેરાતઃ અમેરિકા અને ઉત્તર કોરિયાનાં સંબંધો સુધરવાની રાહ પર

અમેરિકાએ ઉત્તર કોરિયા પર લગાવેલા પ્રતિબંધો બાદ બંને દેશો વચ્ચે ફરી સંબંધોમાં તણાવ જોવા મળી રહ્યો હતો. પરંતુ અચાનક અમેરિકાનાં રાષ્ટ્રપતિ ડોનાલ્ડ ટ્રમ્પે યૂ-ટર્ન લેતાં એવો નિર્ણય લીધો છે કે, બંને દેશો વચ્ચે સંબંધો સુધર્યા છે. ત્યારે શું છે ટ્રમ્પ પ્રશાસનનો મહત્વપૂર્ણ નિર્ણય તેને જોઇએ આ અહેવાલમાં.

અમેરિકા અને ઉત્તર કોરિયા વચ્ચે લાંબા સમય બાદ ફરી સંબંધો સુધરતા દેખાઇ રહ્યાં છે. છેલ્લે ટ્રમ્પ અને કિમ વચ્ચે મતભેદ થયાં બાદ હાલ બંને દેશો વચ્ચે તણાવ ભર્યો માહોલ હતો. તેવામાં ડોનાલ્ડ ટ્રમ્પે પોતાનાં ટ્વિટર હેન્ડલ પર નોર્થ કોરિયા પર લગાવવામાં આવેલા પ્રતિબંધ હટાવવાની જાહેરાત કરી છે.



રાષ્ટ્રપતિ ડોનાલ્ડ ટ્રમ્પે શુક્રવારે ટ્વિટ કરતા કહ્યું કે, અમેરિકાનાં નાણાં મંત્રાલયે આજે જાહેરાત કરી હતી કે, ઉત્તર કોરિયા પર પહેલેથી જ લગાવેલાં પ્રતિબંધો બાદ હવે તેનાં પર વ્યાપક સ્તરે પ્રતિબંધ લગાવવામાં આવશે. મેં આજે આ વધારાનાં પ્રતિબંધોને પરત લેવાનો આદેશ આપી દીધાં છે.



જો કે, ટ્રમ્પે પોતાનાં ટ્વિટમાં નોર્થ કોરિયા પર કયાં પ્રતિબંધોની વાત કરી રહ્યાં છે તે સ્પષ્ટ નથી. ટ્રમ્પનાં આ ટ્વિટથી મંત્રાલયનાં અધિકારીઓ આશ્ચર્યમાં છે. કારણ કે, મંત્રાલયે કોઇ નવા પ્રતિબંધની શુક્રવારે જાહેરાત કરી ન હોતી. વ્હાઇટ હાઉસે આ જાહેરાત સામે હજુ સુધી કોઇ પ્રતિક્રિયા નથી આપી કે ટ્રમ્પ કયા પ્રતિબંધોની વાત કરી રહ્યાં છે. પરંતુ જો હકીકતમાં ટ્રમ્પ ઉત્તર કોરિયા પરનાં પ્રતિબંધો ઉઠાવી દેશે તો ફરી બંને દેશ વચ્ચેનાં સંબંધોમાં સુધાર આવી શકે છે. ત્યારે જોવું રહ્યું કે, આ બંને દેશ ફરી એકસાથે બેસી શકે છે કે નહીં.
 

It was announced today by the U.S. Treasury that additional large scale Sanctions would be added to those already existing Sanctions on North Korea. I have today ordered the withdrawal of those additional Sanctions!

— Donald J. Trump (@realDonaldTrump) March 22, 2019

અમેરિકાનાં નાણાં મંત્રાલયે આજે જાહેરાત કરી હતી કે, ઉત્તર કોરિયા પર પહેલેથી જ લગાવેલાં પ્રતિબંધો બાદ હવે તેનાં પર વ્યાપક સ્તરે પ્રતિબંધ લગાવવામાં આવશે. મેં આજે આ વધારાનાં પ્રતિબંધોને પરત લેવાનો આદેશ આપી દીધાં છે.
- ડોનાલ્ડ ટ્રમ્પ, રાષ્ટ્રપતિ, અમેરિકા