મુલાકાત / નોબલ વિજેતા નાદિયા મુરાદને મળ્યા ટ્રમ્પ, મળતા જ પુછ્યું-આપને નોબલ પુરસ્કાર કેમ મળ્યો?

મુરાદ આ પ્રાચીન ધર્મની એ હજારો મહિલાઓ અને છોકરીઓમાંથી એક છે જેને આંતકવાદી સંગઠન ઇસ્લામિક સ્ટેટ સમૂહે 2014માં ઇરાકના વિભિન્ન ભાગો પર કબજો કરવા દરમિયાન અપહરણ કરી લેવામાં આવી હતી. 

મુરાદ એ ધાર્મિક દમનથી બહાર આવેલા લોકોના સમૂહમાં સામેલ હતી જેમણે વિદેશ મંત્રાલયની એક મોટી બેઠક હેઠળ ઓવલ ઓફિસમાં ટ્રમ્પ સાથે મુલાકાત કરી હતી. નાદિયા મુરાદે જ્યારે ટ્રમ્પને જણાવ્યું કે કેવી રીતે તેમની માતા અને 6 ભાઇઓની હત્યા કરી દેવાઇ અને 3000 યજીદી લાપતા છે. ટ્રમ્પે કહ્યું કે, અરે તો આપને નોબલ પુરસ્કાર મળ્યો છે? આ અદભુત છે. કયા કારણથી આપને એ (પુરસ્કાર) મળ્યો? મુરાદ કેટલીક પળ માટે સ્તબ્ધ બની ગઇ અને પોતાની તમામ આપવીતિ ટ્રમ્પને જણાવી. 

આગળ જણાવતા કહ્યું કે, એમને ગત વર્ષે નોબલ પુરસ્કારનો સંયૂક્ત વિજેતા જાહેર કરવામાં આવી છે. એમણે કહ્યું કે, 'મારી સાથે આમ બન્યા છતા મેં હાર નથી માની. મે તમામને સ્પષ્ટ જણાવ્યું કે હજારો યજીદી મહિલાઓનો બળાત્કાર કરવામાં આવ્યો.' મુરાદે કહ્યું, 'મહેરબાની કરી કંઇક કરવામાં આવે, આ કોઇ એક પરિવાર વિશે નથી.'

ટ્રમ્પ જે ઇરાક અને સીરિયાના કેટલાક ભાગમાં કબજો જમાવી સ્વંયભૂ ખલીફાને નાબૂદ કરવાનો શ્રેય લઇ રહ્યા છે, એ સમયે પણ ગુમ નજરે પડી રહ્યા હતા જ્યારે મુરાદ યજીદીઓની સુરક્ષિત વાપસી માટે તેમને ઇરાકી અને કુર્દિશ સરકારો પર દબાણ બનાવવા કહ્યું. 

આ દરમિયાન ટ્રમ્પે પૂછ્યું, જોકે, આઇએસઆઇએસ જઇ ચૂક્યું છે અને હવે કુર્દિશ અને કોણ? મુરાદે એમ પણ જણાવ્યું કે યજીદીઓને જર્મનીમાં સુરક્ષા મેળવવા માટે કેવી રીતે ખતરનાક માર્ગનો સહારો લીધો. આપને જણાવીએ કે, જર્મની દ્વારા શરણાર્થીઓનું સ્વાગત કરવાની ટ્રમ્પ આલોચના કરી ચૂક્યા છે. અમેરિકી નેતા એ સમયે પણ અજાણ હતા જ્યારે રોહિંગ્યાના એક પ્રતિનિધિ સાથે મુલાકાત કરી હતી.