Health Tips / તાવ ના હોય તો કઈ રીતે ખબર પડે કે કોરોના છે કે નહીં? આ 10 લક્ષણો છે મોટા સંકેત

• કોરોનાની બીજી લહેરે વધારી ચિંતા 
• તાવ વગર પણ કેટલાક લક્ષણો છે કોરોનાના 
• જાણી લેશો તો થશે ફાયદો 

કોરોનોની બીજી લહેરમાં કોરોનાનાં લક્ષણોમાં પણ ફેરફાર જોવા મળી રહ્યો છે. એક્સપર્ટ કહે છે કે આ બિમારીનાં શરૂઆતનાં લક્ષણો જો પારખી લઈએ તો દર્દીનો જીવ બચાઈ શકાય છે. કોરોનોમાં મોટા  ભાગના લોકોને શરૂઆતમાં ખૂબ જ તાવ આવવાની ફરિયાદ હોય છે. પણ આનાથી ઊલટું અમુક કિસ્સાઓમ તાવ નાં આવતો હોવા છતાં પણ કોરોના પોઝિટિવ આવે છે. તો આ કિસ્સામાં બીજા લક્ષણો પારખીને તમે કોરોનાને ઓળખી શકો છો. 

લાલ આંખ થવી 

ચીનમાં થયા અભ્યાસ મુજબ, નવા સ્ટ્રેન પર રિસર્ચ કરતાં કેટલાક ખાસ લક્ષણો ધ્યાનમાં આવ્યા છે. ઇન્ફેકશનના આ નવા વેરિયન્ટમાં માનવીની આંખ લાલ કે પછી ગુલાબી થઈ જાય છે. આ સિવાય આંખ પર સોજો કે તેમાંથી પાણી નીકળવું, આ પણ એક લક્ષણ છે. 

સતત ખાંસી 

સતત ખાંસી આવવી એ પણ કોરોના સંક્રમિતની ઓળખાણ છે. પણ સામાન્ય ખાંસી કે પછી કોરોના દ્વારા થયેલ ખાંસી વચ્ચે ભેદ પારખવો ઘણો મુશ્કેલ છે. જો વધુ પડતી ખાંસી આવે તો તેને કોરોના સમજી ને દવા કરાવવી 

શ્વાસ લેવામાં તકલીફ 

કોરોનાની બીજી લહેરમાં કેટલાય દર્દીઓ એવા સામે આવ્યા જેમને શ્વાસ લેવામાં તકલીફ થઈ રહી હતી. આવામાં અસ્થમાનાં દર્દીઓને વધુ તકેદારી રાખવાની જરૂર છે. એટલે કે જો ઑક્સીમીટર પર ઓક્સિજન 94 થી નીચે આવે તો ડોકટરનો સંપર્ક કરી જ લેવો.

છાતીમાં દુખાવો 

છાતીમાં દુખાવો થવો એ કોરોનાનું ઘાતક લક્ષણ માનવામાં આવે છે. મોટાભાગની હોસ્પિટલમાં આ જ પ્રકારના દર્દીઓની ભરતી કરવામાં આવે છે. જો તમને સહેજ પણ આવો દુખાવો અનુભવાય તો તરત જ ડૉકટરનો સંપર્ક કરો 

ટેસ્ટ અને સુગંધ જતી રહેવી 

સ્વાદ અને ગંધ જતી રહેવા એ કોરોનાના એકદમ સામાન્ય લક્ષણ છે. તાવ આવ્યા પહેલા આ લક્ષણ દેખાઈ છે. જે લાંબા સમય સુધી શરીરમાં રહે છે. છેલ્લે કોરોના શરીરમાંથી ગયા બાદ પણ આ અનુભવાય છે. 

થાક લગાવો

ખાંસી અને તાવ ઉપરાંત કોરોના સંક્રમિત થયેલ વ્યક્તિને થાક ઘણો લાગે છે. અને શરીરમાં નબળાઈ પણ આવી જાય છે. આ થાક સહન કરવો એ ઘણો મુશ્કેલ હોય છે. 

ડાયેરિયા થઈ જવા 

કોરોનાનાં નવા લક્ષણોમાં હવે ડાયેરિયાનો સમાવેશ થાય છે. પેટમાં દુખાવો અને ઊલટી પણ થાય છે. 

સ્નાયુઓ અને સાંધામાં દુખાવો

કોરોનાથી સંક્રમિત દર્દીઓ કે જે મોટા ભાગે વૃધ્ધ છે, તે લોકોને આ ફરિયાદ રહેતી હોય છે. એક રિપોર્ટ મુજબ સ્નાયુઓમાં દુખાવો ત્યારે થાય છે જ્યારે વાયરસ શરીરના કોષો પર હુમલો કરે છે. આ લક્ષણ ઘણા જ ગંભીર લોકોમાં જોવા મળે છે.