સ્વાસ્થ્ય / ચા'ના શોખીનો સાવધાન! વધુ પડતા સેવન પડી શકે છે ભારે, થઇ શકે છે આ 5 મોટા નુકસાન

• વધુ માત્રામાં ચાનું સેવન કરવાથી આરોગ્યને નુકસાન.
• માનસિક આરોગ્ય પર થાય છે ગંભીર અસર.
• 3-4 કપ કરતા વધુ ચાનું સેવન ના કરવું જોઈએ.

લગભગ તમામ ઉંમરના લોકોને ચા પીવાનો શોખ હોય છે. ચા પીધા વગર લોકોની દિવસ શરૂ થતો નથી. કોઈપણ ઋતુ હોય ચા પીવી જરૂરી હોય છે. ચા વિશ્વનું સૌથી પ્રિય પીણું હશે તેવું કહી શકીએ છીએ. અનેક લોકો દિવસમાં વારંવાર ચાનું સેવન કરે છે. વધુ માત્રામાં ચાનું સેવન કરવાથી આરોગ્યને નુકસાન થઈ શકે છે. માનસિક આરોગ્ય પર અસર થઈ શકે છે. એક મીડિયા રિપોર્ટ અનુસાર દિવસમાં 3-4 કપ કરતા વધુ ચાનું સેવન ના કરવું જોઈએ. 710 ml કરતા વધુ ચા'નું સેવન કરવાથી આરોગ્યને ગંભીર નુકસાન થઈ શકે છે. 
 
માનસિક આરોગ્ય પર અસર- ચા'માં કેફીનની વધુ માત્રા હોય છે. કેફીનના કારણે માથાનો દુખાવા, તણાવ અને ચિંતા થઈ શકે છે. વધુ માત્રામાં ચા પીવાથી ગભરામણ પણ થઈ શકે છે. ટૂંકમા કહી શકાય કે, ચા'ના કારણે માનસિક આરોગ્ય પર અસર થાય છે. આ કારણોસર ચા'નું વધુ માત્રામાં સેવન ના કરવું જોઈએ. 

ગર્ભવતી મહિલાઓ માટા હાનિકારક- ગર્ભવતી મહિલાઓ ચા'નું વધુ સેવન ના કરવું જોઈએ, તેનાથી આરોગ્ય પર અસર થઈ શકે છે. કેફીનનું વધુ માત્રામાં સેવન કરવાથી પ્રેગનેન્સીમાં કોમ્પ્લિકેશન ઊભા થઈ શકે છે, જેના કારણે ગર્ભપાત પણ થઈ શકે છે. બાળકના વિકાસ પર પણ અસર થાય છે. 

ઊંઘની સમસ્યા- ચા'નું વધુ માત્રામાં સેવન કરવાથી અનિંદ્રાની સમસ્યા થઈ શકે છે. ઊંઘ ના આવવાને કારણે માનસિક તણાવ આંખ નીચે કાળા ધબ્બા, ચિંતા જેવી અનેક સમસ્યા થઈ શકે છે. કેફીનના સૂવાના 6 કલાક પહેલા કેફીનનું સેવન કરવાથી ઊંઘ પર ખૂબ જ ખરાબ અસર થાય છે. 

આંતરડા માટે નુકસાનકારક- ચા'નું વધુ સેવન કરવાથી આંતરડાને નુકસાન થઈ શકે છે. આંતરડા ખરાબ પણ થઈ શકે છે, જેના કારણે ભોજન પચવામાં મુશ્કેલી થાય છે. ઉપરાંત આરોગ્ય સંબંધિત અન્ય સમસ્યા પણ થઈ શકે છે. 

ગેસ થવો- અનેક લોકોને ભૂખ્યા પેટે ચા પીવાની આદત હોય છે. જેના કારણે મેટાબોલિઝ્મની પ્રક્રિયા ધીમી થઈ જાય છે. જેના કારણે ગેસ અને પેટમાં બળતરાની સમસ્યા થઈ શકે છે. ઉપરાંત નબળાઈ પણ આવી શકે છે. આ કારણોસર ભૂખ્યા પેટે ચા'નું સેવન ના કરવું જોઈએ. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)