ફરિયાદ નિવારણ / મકાન દીકરાના નામે થયા બાદ માતા-પિતાને તગેડી મૂક્યા.! ડીસાના વૃદ્ધ દંપત્તિ ધ્રુસકે ધ્રુસકે રડી પડ્યા, નાયબ કલેકટરે ગળે લગાવ્યા

• ડીસા નાયબ કલેક્ટર કચેરી ખાતે સ્વાગત ફરિયાદ નિવારણ કાર્યક્રમ
• લાચાર માતા પિતાએ પુત્ર સામે જ ફરિયાદ કરતા સર્જાયા ભાવુક દ્રશ્યો
• ગ્રામ્ય કક્ષામાથી ૪૦ પ્રશ્નો રજૂ કરવામાં આવ્યા

રાજ્ય સરકાર દ્વારા છેલ્લા વીસ વર્ષથી નાગરિકોના વિવિધ પ્રશ્નોના નિવારણ માટે સ્વાગત ફરિયાદ નિવારણ કાર્યક્રમ ચલાવવામાં આવી રહ્યો છે. ત્યારે આજે ડીસા નાયબ કલેક્ટર કચેરી ખાતે સ્થાનિક નાયબ કલેક્ટરની અધ્યક્ષતામાં યોજાયેલા સ્વાગત નિવારણ કાર્યક્રમમાં ડીસા શહેર અને ગ્રામ્ય કક્ષામાથી ૪૦ પ્રશ્નો રજૂ કરવામાં આવ્યા હતા અને આ પ્રશ્નોના નિવારણ માટે સ્થાનિક નાયબ કલેક્ટર દ્વારા જે તે વિભાગના અધિકારીઓને સૂચનાઓ આપવામાં આવી હતી. 

૪૦ પ્રશ્નો રજૂ કરવામાં આવ્યા

આ ચાલીસ પ્રશ્નોમાં એક અલગ જ પ્રકારનો પ્રશ્ન ઉઠતા કાર્યક્રમમાં ભવુંક દ્રશ્યો સર્જાયા હતા.આ પ્રશ્ન એક વૃધ્ધ દંપતીનો હતો. ડીસાના જલારામ સોસાયટીમાં રહેતા પ્રકાશભાઈ પઢિયાર અને તેમના પત્નીને તેમના દીકરાએ ઘરમાંથી કાઢી મુકવા તેઓના ઘરના લાઈટ અને પાણીના કનેક્શન કપાવી નાખ્યા છે અને આવી પરિસ્થિતિમાં આ વૃદ્ધ દંપત્તિને કોઈ સહારો ન મળતા તેઓએ સ્વાગત ફરિયાદ નિવારણ કાર્યક્રમમાં અરજી કરી હતી. જેનો પ્રશ્ન સંભળવાતા વૃદ્ધ દંપત્તિ ધ્રુસકે ધ્રુસકે રડી પડ્યા હતા અને નાયબ કલેકટરે વૃદ્ધ મહિલાને ગળે લગાવી દંપત્તિને ખૂબ જ સાંત્વના આપી તેઓના પ્રશ્નોનો નિકાલ કરવા નગરપાલિકાને પાણી કનેક્શન તેમજ વીજ કંપનીને વીજ કનેક્શન તાત્કાલિક આપવા જણાવ્યું હતું. જ્યારે તેમના દીકરા પાસેથી ભરણપોષણ અપાવવા પણ સમાજ કલ્યાણ વિભાગને તાકીદ કરવામાં આવી હતી.

ભાવુક દ્રશ્યો સર્જાયા

દીકરાએ લોન માટે પોતાનું મકાન દીકરાના નામે કરી દીધા બાદ દીકરા અને પુત્રવધૂએ તેમણે બહાર કાઢવા માટે મકાનમાં વીજ કનેક્શન અને પાણીના કનેક્શન હટાવી નાંખ્યા હતા અને આ પ્રશ્નના નિવારણ માટે તેઓ આજે સ્વાગત કાર્યક્રમમાં પોતાની ફરિયાદ લઈને પહોંચ્યા હતા. તો તેના માતપિતા આરોપ લગાવી રહ્યો છે તે પુત્ર પર અન્ય પુત્રે હુમલો કરતા તે ડીસાની સરકારી હોસ્પિટલમાં સારવાર લઈ રહ્યો છે. સારવાર લઈ રહેલા પુત્રએ આ ઘટનાને લઈ તેના માતપિતા અને તેના ભાઈ દ્વારા તેમની પર હુમલો કરવામાં આવ્યો હોવાનું જણાવ્યુ હતું. આ પ્રશ્નનું નિવારણ લાવવા માટે ડીસાના નાયબ કલેક્ટર દ્વારા પણ ખૂબ જ સારા પ્રયાસ કર્યા છે.