સલામ / પિતાના અવસાન બાદ બારમું કે તેરમું રાખવાની જગ્યાએ દીકરાએ બાળકો માટે બનાવી આપી સ્કૂલ, લોકોએ કરી પ્રશંસા

• પિતાના અવસાન બાદ બારમું ન કરાવ્યું 
• તે પૈસાથી બનાવડાવી સ્કૂલ 
• સ્કૂલ ડેવલોપમેન્ટ માટે પૈસા કર્યા ખર્ચ 

ધૌલપુર જિલ્લામાંથી એક અનોખો કિસ્સો સામે આવ્યો છે. અહીં મનિયા જિલ્લાના દયેરી ગામના રહેવાસી રાજેન્દ્ર જૈને અનોખી મિસાલ કાયમ કરી છે. જૈને પોતાના પિતાના મૃત્યુ બાદ બારમું રાખવાની જગ્યા પર પોતાના વિસ્તારમાં સ્થિત એક સ્કૂલમાં એક રૂમ અને બાઉન્ડ્રી બનાવવાનો નિર્ણય કર્યો છે. 

જણાવવામાં આવી રહ્યું છે કે સ્કૂલના આ ડેવલોપમેન્ટનો ખર્ચ 5 લાખ રૂપિયા આવશે. 21 જૂને રાજેન્દ્ર જૈને સ્કૂલના રૂમના પાયા નંખાવ્યા છે. ત્યાં જ તેના બાદ હવે સ્કૂલના રૂમ તૈયાર થવાનું કામ શરૂ થઈ જશે. તેમના પહેલના દરેક બાજુ વખાણ થઈ રહ્યા છે. 

રાજેન્દ્ર જૈનની અનોખી પહેલ 
મૃત્યુભોજના વિરૂદ્ધ દયેરી ગામના રાજેન્દ્ર જૈને પહેલ કરી છે. જૈનનું કહેવું છે કે મૃત્યુ ભોજ એક સામાજીક કુરીતિ છે. જેને લઈને દરેક સમાજના લોકોએ લડાઈ લડવી જોઈએ. મૃત્યુભોજ જેવી પરંપરાને નિભાવવા માટે ગરીબ લોકોની કમર તૂટી જાય છે. 

ગરીબ લોકો વ્યાજ પર પૈસા લાવીને સમાજને બતાવવા માટે મૃત્યુભોજ જેવી પરંપરા નિભાવે છે. ગ્રામીણ વિસ્તારમાં જોવા જઈએ તો એક બીજાને જોઈને તેનાથી વધારે સારૂ કરવાનું વિચારવામાં આવે છે. જેના કારણે ઘણા લોકો દેવામાં ડૂબી જાય છે. 

સાંભળ્યો અંતરાત્માનો અવાજ 
રાજેન્દ્ર જૈને જણાવ્યું કે તેમના પિતા 87 વર્ષના પુરન જૈનનું નિધન 7 જૂને થયું હતું. ગામમાં મૃત્યુભોજની પરંપરા ચાલી રહી છે. જેને લઈને હું પણ પુત્ર હોવાના કારણે આ પરંપરાને નિભાવવાનું વિચારી રહ્યો હતો. પરંતુ તેના બાદ મેં પોતાના અંતરાત્માનો અવાજ સાંભળતા નિર્ણય બદલી નાખ્યો અને મૃત્યુભોજની જગ્યાએ સ્કૂલનું નિર્માણ કરવા વિશે વિચાર્યું.  

જૈને કહ્યું કે મૃત્યુભોજના ખર્ચને બાળકોના ભવિષ્ય માટે ઉપયોગમાં લેવામાં આવે તો સારૂ રહેશે, આવું મારૂ માનવું છે. મૃત્યુભોજની જગ્યા પર સ્કૂલના રૂમ અને બાઉન્ડ્રી બનાવવાની વાત સાંભળીને રાજેન્દ્ર જૈનના ગામ સહિત આસપાસના ઘણા લોકોએ વખાણ કરી રહ્યા છે.