Dhanteras 2023 / આજે ધનતેરસ: તમારી રાશિ અનુસાર કરો ખરીદી, આખું વર્ષ રહેશે લક્ષ્મીજીની અસીમ કૃપા

• હિંદુ ધર્મમાં દિવાળી મહત્વપૂર્ણ તહેવાર
• ધનતેરસના દિવસે લક્ષ્મી માતાની પૂજા કરવામાં આવે છે
• રાશિ અનુસાર શુભ વસ્તુઓની ખરીદી કરવી

હિંદુ ધર્મમાં દિવાળી મહત્વપૂર્ણ તહેવાર છે. ધનતેરસથી દિવાળીની શરૂઆત થાય છે. માનવામાં આવે છે કે, ધનતેરસના દિવસે ભગવાન ધન્વંતરીની પૂજા કરવાની પરંપરા છે. અનેક લોકો આ દિવસે નવા વાસણ અને ઘરેણાં ખરીદે છે. આજે ધનતરેસ છે. ધન પ્રાપ્તિ અને સમૃદ્ધિ માટે ધનતેરસના દિવસે લક્ષ્મી માતા અને ભગવાન કુબેરની પૂજા કરવામાં આવે છે. જ્યોતિષ શાસ્ત્ર અનુસાર ધનતેરસે શુભ મુહૂર્તમાં રાશિ અનુસાર શુભ વસ્તુઓની ખરીદી કરવામાં આવે છે, જેથી આખા વર્ષ દરમિયાન સંપત્તિમાં વૃદ્ધિ થાય છે.

રાશિ અનુસાર ખરીદી
લક્ષ્મી દેવીને પ્રસન્ન કરવા માટે ધનતેરસના દિવસે અનેક ઉપાયો કરવામાં આવે છે. આ દિવસે રાશિ અનુસાર ખરીદી કરવાથી લક્ષ્મી માતા પ્રસન્ન થાય છે, તથા અનેક શુભ પરિણામની પ્રાપ્તિ થાય છે.

• મેષ રાશિઃ આ રાશિના જાતકોએ ધનતેરસના દિવસે ચાંદીના ઘરેણાં, સિક્કા અથવા વાસણો ખરીદવા જોઈએ.
• વૃષભઃ આ રાશિના જાતકોએ ધનતેરસના દિવસે ચાંદીની વસ્તુઓ ખરીદવી જોઈએ.
• મિથુનઃ આ રાશિના જાતકોએ ધનતેરસના દિવસે કાંસાના વાસણો, સોનાની ખરીદી કરવી જોઈએ.
• કર્કઃ આ રાશિના જાતકોએ ધનતેરસના દિવસે ચાંદીના ઘરેણા, ચાંદીની લક્ષ્મી-ગણેશની મૂર્તિ, ચાંદીનું શ્રીયંત્ર, મોતીની માળા ખરીદવી જોઈએ.
• સિંહઃ આ રાશિના જાતકોએ ધનતેરસના દિવસે સોનું ખરીદવું જોઈએ.
• કન્યા રાશિઃ આ રાશિના જાતકોએ ધનતેરસના દિવસે કાંસા કે ફૂલના વાસણો ખરીદવા જોઈએ.
• તુલાઃ આ રાશિના જાતકોએ ધનતેરસના દિવસે ચાંદીના ઘરેણા અને ચાંદીના વાસણો ખરીદવા જોઈએ.
• વૃશ્ચિકઃ- આ રાશિના જાતકોએ ધનતેરસના દિવસે તાંબાના વાસણો, ચાંદી કે ચાંદીના ઘરેણાં ખરીદવા જોઈએ.
• ધનુ: આ રાશિના જાતકોએ ધનતેરસના દિવસે સોનાના ઘરેણાં, સોનાના સિક્કા, પિત્તળના વાસણો ખરીદવા જોઈએ.
• મકર: આ રાશિના જાતકોએ ધનતેરસના દિવસે સ્ટીલના વાસણો અથવા વાહન ખરીદવા જોઈએ.
• કુંભ: આ રાશિના જાતકોએ ધનતેરસના દિવસે વાહન અથવા સ્ટીલના વાસણો ખરીદવા જોઈએ.
• મીન રાશિઃ આ રાશિના જાતકોએ ધનતેરસના દિવસે સોના કે પિત્તળની વસ્તુઓ ખરીદવી જોઈએ.