ગુજરાત / નારાજ પોલીસકર્મીઓને સમજાવવા કમિશનર, રેન્જ IG, SP અને કમાન્ડન્ટને DGનો આદેશ, જાણો મામલો

• પબ્લિક સિક્યોરીટી અલાઉન્સમાં એફિડેવીટ કરવા મામલે પોલીસ કર્મચારીઓ નારાજ
• નારાજ પોલીસકર્મીઓને સમજાવવા અપાયો આદેશ 
• લો-એન્ડ ઓર્ડરના એડિશનલ DG નરસીમ્હા કોમારનો આદેશ 

પબ્લિક સિક્યોરીટી અલાઉન્સમાં એફિડેવીટ કરવા મામલે પોલીસ કર્મચારીઓમાં નારાજગી જોવા મળી રહી છે. તેવામાં નારાજ પોલીસકર્મીઓને સમજાવવા ઉચ્ચકક્ષાએથી આદેશ છૂટયા છે.  આ મામલે લો-એન્ડ ઓર્ડરના એડિશનલ DG નરસીમ્હા કોમારએ તમામ કમિશનર, રેન્જ IG, SP તથા કમાન્ડન્ટને  આદેશ કર્યા છે. DCP, SP, SDPO તથા SHOને હુકમ કરી પોલીસ કર્મીઓમાં પ્રવર્તતી  નારાજગી દૂર કરવા સૂચના આપવામાં આવી  છે. મહત્વનું છે કે ASI, હેડ કોન્સ્ટેબલ, પોલીસ કોન્સ્ટેબલ, LRD માટે તાજેતરમાં ભથ્થા જાહેર કરાયા છે. જેમાં પબ્લિક સિક્યોરીટી અલાઉન્સમાં એફિડેવીટ કરવા મામલે પોલીસ કર્મચારીઓ રોષ જોવા મળી રહ્યો છે.
 
ASI, હેડ કોન્સ્ટેબલ, પોલીસ કોન્સ્ટેબલ, LRD માટે જાહેર કરાયું છે ભથ્થું
ગુજરાત પોલીસકર્મચારીઑ દ્વારા લાંબા સંમયથી ગ્રેડપેની માંગ કરવામાં આવી રહી છે આ મામલે અનેક વખત આંદોલનો પણ થયા છે. જેમાં ગુજરાત પોલીસના લોક રક્ષક દળથી માંડીને આસીટન્ટ સબ ઇન્સ્પેક્ટર સુધીના કર્મચારીઓ જોડાયા છે.  તેવામાં તાજેતરમાં સરકાર દ્વારા પોલીસ કર્મીઑને પગાર વધારો આપવામાં આવ્યો છે. જે બાદ સરકાર દ્વારા એક નોટિફિકેશન બહાર પડાઈ છે. જેમાં પગાર વધારાનો શરતી ઉલ્લેખ કરવામાં આવ્યો છે. પોલીસ કર્મચારીએ પગાર વધારા સ્વરૂપે ફિક્સ રકમ જોઈતી હોય તો એક એફિડેવિટ ગ્રેડપે સ્વીકારી લેનાર પોલીસકર્મીએ એફિડેવીટ ફાઈલ કરીને એકાઉન્ટ વિભાગમાં આપવાનું રહેશે. તેમ જણાવાયું છે. જે મામલે ઘણા પોલીસકર્મીઓમાં વરોધનો શૂર ઉઠ્યો છે.