મહામારી / દિલ્હીમાં 1 નવેમ્બરથી તમામ ધોરણની સ્કૂલો થશે શરુ, સરકારની જાહેરાત, વાલીઓ માટે આ ખાસ નિયમ

• કેજરીવાલ સરકારની મોટી જાહેરાત
• 1 નવેમ્બરથી તમામ ધોરણની સ્કૂલો શરુ થશે
• તમામ સરકારી અને પ્રાઈવેટ સ્કૂલો શરુ થશે
• વિદ્યાર્થીઓને સ્કૂલે મોકલવા માટે વાલીઓ પર દબાણ નહીં
• ઉપમુખ્યમંત્રી મનીષ સિસોદીયાએ કરી જાહેરાત 

દિલ્હીના ઉપમુખ્યમંત્રી મનીષ સિસોદીયાએ જણાવ્યું કે કેબિનેટની બેઠકમાં દિલ્હીની તમામ સરકારી અને પ્રાઈવેટ સ્કૂલો શરુ કરવાની મંજૂરી આપી દેવામાં આવી છે. તેમણે કહ્યું કે જોકે બાળકોને સ્કૂલે મોકલવા માટે વાલીઓ પર દબાણ નહીં કરવામાં આવે.

સિસોદીયાએ જણાવ્યું કે દિલ્હીમાં કોરોના કાબુમાં છે. હવે ચિંતાની વાત નથી પરંતુ સાવધાની જરુરી છે. તેમણે કહ્યું કે સ્કુલ ઘણા સમયથી બંધ છે. બાળકોને ઘણું નુકશાન થઈ રહ્યું છે. બાળકોને થયેલા નુકશાનની ભરપાઈ સરળ નહીં હોય. હવે સ્કૂલો શરુ કરવાનો નિર્ણય લેવાયો છે. દિલ્હીની તમામ સરકારી અને પ્રાઈવેટ સ્કુલો શરુ કરી દેવામાં આવશે.

50 ટકાથી વધારે બાળકોને સ્કૂલે નહીં બોલાવવામાં આવે
ઉપમુખ્યમંત્રીએ જણાવ્યું કે 1 નવેમ્બરથી સ્કૂલો શરુ થઈ રહી છે ત્યારે બાળકોને સ્કૂલે મોકલવા માટે વાલીઓ પર દબાણ નહીં કરવામાં આવે તેમજ- 50 ટકાથી વધારે બાળકોને સ્કૂલે નહીં બોલાવવામાં આવે. 

સ્કૂલે મોકલવા માટે વાલીઓને ફરજ નહીં પડાય
તેમણે કહ્યું કે સ્ટાફને વેક્સિનના બન્ને ડોઝ અપાયા હોય તેવી સ્કૂલોએ ખાતરી રાખવી પડશે. 98-99 ટકા સ્ટાફને ઓછામાં ઓછો એક ડોઝ તો આપી દેવાયો છે. સિસોદીયાએ જણાવ્યું કે સ્કુલ ખુલ્યા બાદ પણ ઓનલાઈન ક્લાસ ચાલુ રહેશે. વાલીઓ બાળકોને સ્કૂલે મોકલી શકે છે પરંતુ તેમને ફરજ નહીં પડાશે. 

દિલ્હીમાં છઠ્ઠ પૂજાની મંજૂરી આપી
દિલ્હી સરકારે છઠ્ઠ પૂજાની પણ મંજૂરી આપી દીધી છે. દિલ્હી સરકારની કેબિનેટની બેઠકમાં છઠ્ઠ પૂજાની મંજૂરી આપવામાં આવે છે. સિસોદીયાએ આ જાહેરાત કરી હતી.