દિલ્હી / અંજલીને છોડીને કેમ ભાગી નીકળી, તે રાતે શું શું થયું હતું, સહેલીએ કર્યાં ચોંકાવનારા ખુલાસા

• અંજલી કેસમાં હવે બહેનપણીએ તોડ્યુ મૌન
• પોલીસને તપાસમાં કરી મદદ
• કહ્યું કે હોટલમાં સાથે જ પાર્ટીમાં ગયાં હતાં

દિલ્હીનાં કંજાવાળા કેસની તપાસ કરી રહી પોલીસે મૃતકા અંજલીસિંહની મિત્રનું નિવેદન નોંધ્યું છે. પોલીસ અનુસાર જ્યારે સ્કૂટી અને કારની ટક્કર થઇ હતી ત્યારે અંજલી કાર તરફ પડી હતી. જ્યારે તેની મિત્ર બીજી બાજુ પડી હતી. તેથી તેની મિત્રને આ એક્સીડન્ટ દરમિયાન વધુ ઇજાઓ થઇ નથી. એક્સીડન્ટ બાદ મિત્ર પોતાના ઘરે જતી રહી હતી. મિત્રએ જણાવ્યું કે એક્સીડન્ટ બાદ તે ઘણી ગભરાઈ ગઇ હતી જેના કારણે તેણે કોઇને કંઇ કહ્યું નહીં.

પોલીસે મિત્રને પૂછપરછ માટે બોલાવી 

દિલ્હી પોલીસ જ્યારે આ મામલની તપાસ કરી રહી હતી ત્યારે ટીમ તે હોટલમાં પહોંચી હતી જ્યાંથી અંજલી અકસ્માત પહેલા નિકળી હતી. પોલીસને હોટલમાંથી રજિસ્ટર મળ્યું જેમાં મૃતકા અંજલીની સાથે તેની બહેનપણીનું પણ નામ નોંધાયેલ હતું.  પોલીસે તપાસ આગળ વધારી ત્યારે CDRની લોકેશન અને CCTVની ફુટેજથી સાફ થયું કે આ રાત્રે અંજલી સાથે તેની મિત્ર પણ હાજર હતી. ત્યારબાદ પોલીસે તેને પૂછપરછ માટે બોલાવી.

Kanjhawala case: Deceased woman not alone at time of accident, had a companion, says Delhi Police

Read @ANI Story | https://t.co/9f3yzi0Afx
#kanjhawalaaccident #DelhiPolice pic.twitter.com/D2E1ePKk0d

— ANI Digital (@ani_digital) January 3, 2023

તપાસમાં મદદ કરી છે દોસ્ત- પોલીસ
પોલીસે જણાવ્યું કે મૃતકાની મિત્ર આ કેસની તપાસમાં મદદ કરી રહી છે. તેણે પોલીસને જણાવ્યું કે તે રાતે શું-શું થયું હતું. મૃતકા અને તેની મિત્ર અકસ્માત પહેલા સાથે જ હોટલમાં હતાં. બાદમાં જ્યારે એક્સીન્ડ થયો ત્યારે મિત્ર ડરી ગઇ અને કોઇને કંઈ કહ્યું નહીં. તેણે જણાવ્યું કે આ ઘટનામાં ભૂલ કાર સવારોની હતી, જ્યારે આરોપીઓએ પોલીસને કહ્યું છે કે તે સ્કૂટી રોડ પર લહેરાવી રહી હતી જેના કારણે ટક્કર થઇ હતી.

સીસીટીવી ફુટેજ સામે આવ્યું હતું
આ પહેલા એક ફુટેજ સામે આવેલ હતું જેમાં જોઇ શકાતું હતું કે અંજલી રાત્રે 1:45 મિનીટ પર એક હોટલથી નવા વર્ષની પાર્ટી કરીને નિકળતી દેખાઇ હતી. એટલું જ નહીં અંજલીની સાથે તેની મિત્ર પણ નજરે પડી હતી. સ્કૂટી મિત્ર ચલાવી રહી હતી જ્યારે અંજલી પાછળ બેઠી હતી. થોડીવાર બાદ અંજલી કહે છે કે તે સ્કૂટી ચલાવશે.