ન્યાયિક / HCનો મોટો ચુકાદો, 'બાળક પેદા ન કરવું એ પણ મહિલાનો હક', 29 વીકના ગર્ભપાતને મંજૂરી

દિલ્હી હાઈકોર્ટે એક મહિલાને 29 અઠવાડિયાના ગર્ભને પાડી દેવાની મંજૂરી આપતાં મહત્વની ટીપ્પણી કરી છે કે પ્રજનનના અધિકારમાં બાળક ન પેદા કરવાનો પણ મહિલાને પૂરો હક રહેલો છે.

જીવનનું મૂલ્યાંકન કરવાનો અને યોગ્ય પગલું ભરવાનો મહિલાને અધિકાર

હાઈકોર્ટે એવું કહ્યું કે પોતાનું જીવનનું મૂલ્યાંકન કરવાનો અને યોગ્ય પગલું ભરવાનો મહિલાને અધિકાર છે અને ખાસ કરીને એ હકીકત માટે કે સંતાન પેદા કરવાના અધિકારમાં બાળક ન પેદા કરવાનો પણ મહિલાને અધિકાર છે. આ ચુકાદો આપતાં હાઈકોર્ટે મહિલાને તેના 29 અઠવાડિયાના ગર્ભનો ગર્ભપાતની મંજૂરી આપી હતી.

24 અઠવાડિયાના ગર્ભપાતની મંજૂરી નહીં તો 29 માટે કેમ આપી

હકીકતમાં મહિલાએ 2023માં લગ્ન કર્યાં હતા અને લગ્ન પછી તરત તેના પતિનું એક્સિડન્ટમાં મોત થયું હતું. પતિના મોત બાદ મહિલા ખૂબ આઘાતમાં આવી ગઈ હતી અને પિયર જતી રહી હતી થોડા સમય બાદ અલ્ટ્રા સાઉન્ડ કરાવવામાં આવતાં તેને 29 અઠવાડિયાનો ગર્ભ હોવાનું સામે આવ્યું હતું. મહિલાએ ગર્ભપાત કરવાનો નિર્ણય કર્યો હતો પરંતુ તેને ગર્ભપાતની મંજૂરી આપવામા આવી નહોતી તેથી તેણે હાઈકોર્ટમાં અપીલ કરી હતી.

વધુ વાંચો : VIDEO : ઘોડાનો આત્મા હવામાં ઉડ્યો! કારથી ભયંકર ટક્કરથી 8 ફૂટ ઉપર ઉછળીને મર્યો, જોઈને જીવ બળશે

ડામાડોળ હાલતમાં બાળકને કેવી રીતે મોટું કરી શકશે

કેસની સુનાવણી કરતાં હાઈકોર્ટે કહ્યું કે પતિના મોત બાદ મહિલા ભારે આઘાતમાં છે અને તેને આપઘાતના વિચારો પણ આવી રહ્યાં છે. તે ઉપરાંત કમાણી પણ નહિવત, આવી સ્થિતિમાં તે બાળકને કેવી રીતે મોટું કરી શકશે, આથી તેનો ગર્ભપાત થાય તે વધારે ઈચ્છનીય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ