મોટી રાહત / મોદી સરકારનો મોટો નિર્ણય: જે વસ્તુના ભાવમાં સતત વધારો થઈ રહ્યો છે તેમાં મળશે રાહત, ટેક્સ થયો ઓછો

• પામોલીન તેલ અને સનફ્લાવર તેલના ભાવમા ઘટાડો 
• સરકારે ટેક્સ ઓછા કરતકા ભાવમાં થયો ઘટાડો 
• નવો ભાવ માર્ચ 2022 સુધી યથાવત રહેશે 

તહેવારોની સીઝન ચાલી રહી છે ત્યારે આવા સમયે કેન્દ્ર સરકાર દ્વારા મોટું પગલું લેવામાં આવ્યું છે. જે પગલાને કારણે સામાન્ય માણસોને મોટી રાહત મલી રહેશે. સરકારે પામોલીન અને સનફ્લાવર ઓઈલ પર ગ્રીસ સેસ અને કસ્ટમ ડ્યૂટી હટાવી દીધી છે. જેથી તેના ભાવ ઘટતા સામાન્ય માણસોને હવે મોટી રાહત મળી રહેશે. 

નવો ભાવ માર્ચ 2022 સુધી રહેશે 

અગાઉ મંત્રાલય દ્વારા તેલના સ્ટોકની લિમિટ લાગૂ કરવા માટેના આદેશ જાહેર કરવામાં આવ્યા હતા.જે સ્ટોક લિમિટ માર્ચ 2022 સુધી રહેશે. જેનો દરેક રાજ્યને પાલન કરવા માટે કહેવામાં આવ્યું છે. જેથી માર્ચ મહિના સુદી જનતાને ફાયદો મળી રહેશે. 

સરસીયાના તેલનો ભાવ એટલોજ રહેશે 

આપને જણાવી દઈએ કે મંત્રાલયના જણાવ્યા પ્રમાણે સરસીયાનું તેલ છોડીને અન્ય ખાદ્ય પદાર્થોની કિંમતમાં 3.26 ટકાથી લઈને 8.58 ટકા સુધીનો ઘટાડો કરવામાં આવ્યો છે. આ પગલું સરકાર દ્વારા ખાદ્ય તેલની કિંમતોને ઓછી કરવાને લઈને લેવામાં આવ્યું છે. જોકે તેમ છતા પણ તેલના ભાવમાં કોઈ વધારે પ્રમાણમાં ઘટાડો નથી થયો 

સામાન્ય માણસોને મોટી રાહત 

સરકારે ખાસ કરીને પામોલીન તેલ , સોયાબીન તેલ અને સનફ્લાવર તેલની કિંમતો પર કાપ મુક્યો છે જે માર્ચ 2022 સુધી રહેશે. જેથી સરકારના આ નિર્ણયને કારણે સામાન્ય માણસોને થોડી ઘણી રાહત મળી રહેશે. 

પહેલાની સરખામણીએ 5.5 ટકાનો ઘટાડો 

ઉલ્લેખનીય છે પહેલાની સરખામણી એ આ તેલના ભાવમાં 5.5 ટકા સુધીનો ઘટાડો નંધાયો છે. નવા ભાવ પ્રમાણે ગ્રાહકો આવતીકાલથી એટલે કે 14 ઓક્ટોબરથી ખરીદી કરી શકશે. સાથેજ આ ભાવ માર્ચ 2022 સુધી યથાવત રહેશે. જેથી સરકારના આ નિર્ણયને કારણે સામાન્ય માણસોને ઘણી રાહત મળી રહેશે.