એરફોર્સ / દશકોની આતુરતાનો અંત: ટાટા અને એરબસ સાથે થયો મોટો કરાર, વાયુસેનાની વધશે તાકાત

• સ્પેનની એરબસ ડિફેન્સ એન્ડ સ્પેસે IAF એરક્રાફ્ટ માટે કરાર કર્યા 
• 48 મહિનાની અંદર 16 વિમાનો પહોંચાડવામાં આવશે   
• તમામ 56 વિમાનો સ્વદેશી ઇલેક્ટ્રોનિક વોરફેર સ્યુટ સાથે સજ્જ કરાશે  

રક્ષા મંત્રાલયે એરબસ ડિફેન્સ એન્ડ સ્પેસ કંપની સાથે 20 હજાર કરોડ રૂપિયાનો કરાર કર્યો

ભારતના રક્ષા મંત્રાલયે આજે સ્પેનની એરબસ ડિફેન્સ એન્ડ સ્પેસ કંપની સાથે વીસ હજાર કરોડ રૂપિયાનો કરાર કર્યો છે. આ કરારમાં ભારતીય વાયુ સેનાનાં એવ્રો-748 વિમાનોને 56 C-295 મીડિયમ ટ્રાન્સપોર્ટ એરક્રાફ્ટથી બદલી નાંખવામાં આવશે. લાંબા સમયથી પડી રહેલ ખરીદી માટે બે અઠવાડિયા પહેલા જ રક્ષા મંત્રાલય દ્વારા મંજૂરી આપવામાં આવી હતી. વર્ષો બાદ ભારતીય સેનાની જરૂરતને પૂર્ણ કરવા માટે આદેશ આપવામાં આવ્યા છે. 

Defence Ministry and Airbus Defence and Space, Spain today signed a contract for procurement of 56 C-295 aircraft for the Indian Air Force: Defence Ministry pic.twitter.com/Yb3jKcKy5c

— ANI (@ANI) September 24, 2021

The clearance of the joint project between Airbus Defence and Tata Advanced Systems to build the C-295 is a great step forward in the opening up of aviation and avionics projects in India. It envisages total manufacturing of the aircraft in India: Tata Trusts Chairman Ratan Tata pic.twitter.com/u2mmwL6EuI

— ANI (@ANI) September 24, 2021

48 મહિનામાં 16 એરક્રાફ્ટની ડિલિવરી કરવામાં આવશે.

આ મુદ્દા પર રતન ટાટાએ કહ્યું કે ભારતમા ટાટા અને એરબસને વિમાન બનાવવા માટેની મંજૂરી આપવી એ એવિએશન પ્રોજેક્ટ માટે દ્વાર ખોલી દે તેવો મોટો નિર્ણય છે. આ કરાર હેઠળ એરબસ ડિફેન્સ એન્ડ સ્પેસ સાથે થયેલ કરારનાં 48 મહિનામાં 16 એરક્રાફ્ટની ડિલિવરી કરવામાં આવશે. બાકીના 40 વિમાન ભારતમાં જ ટાટા સાથે સમજૂતી કરીને તૈયાર કરવામાં આવશે જેમા 10 વર્ષનો સમય લાગશે. નોંધનીય છે કે C-295 એક ટ્રાન્સપોર્ટ વિમાન છે જેની ક્ષમતા પાંચથી 10 ટનની હોય છે. રતન ટાટાએ કહ્યું કે આ નિર્ણયથી આંતરરાષ્ટ્રીય દુનિયામાં ઘરેલુ આપૂર્તિ માટેની શ્રુંખલા પણ તૈયાર કરવામાં મદદરૂપ થશે.