- હાર બાદ ચેન્નાઈની ટીમને વધુ એક મોટો ઝટકો લાગ્યો
- ઓલરાઉન્ડર ખેલાડી ઈજાના કારણે ટીમમાંથી બહાર થયો
- લગભગ આવનાર બે અઠવાડિયા માટે દરેક મેચની બહાર રહેશે
IPL 2023ની આ સિઝનમાં મહેન્દ્ર સિંહ ધોનીની કપ્તાનીમાં ચેન્નાઈ સુપર કિંગ્સ એક પછી એક ઝટકા લાગી રહ્યા છે. જણાવી દઈએ કે રાજસ્થાન રોયલ્સ સામે રમાયેલી મેચમાં મળેલી હાર બાદ ચેન્નાઈની ટીમને વધુ એક મોટો ઝટકો લાગ્યો છે અને ટીમનો એક સ્ટાર ઓલરાઉન્ડર ખેલાડી ઈજાના કારણે ઓછામાં ઓછી આગામી ત્રણ મેચમાંથી બહાર થઈ ગયો છે.
આ ખેલાડી છે સાઉથ આફ્રિકાનો સિસાંડા મગાલા. નોંધનીય છે કે ચેન્નાઈ સુપર કિંગ્સ અને રાજસ્થાન રોયલ્સ વચ્ચેની મેચ દરમિયાન રવિચંદ્રન અશ્વિનના બોલનો કેચ કરતી વખતે તેની આંગળીમાં ઈજા થઈ હતી. મહત્વનું છે કે મગાલાએ રોયલ્સ સામે માત્ર બે ઓવર ફેંકી હતી અને એકપણ વિકેટ લીધા વિના 14 રન આપ્યા હતા.
હવે ચોટીલા થયેલ મગાલા વિશે ચેન્નાઈ સુપર કિંગ્સના કોચ સ્ટીફન ફ્લેમિંગને મેચ પછીની પ્રેસ કોન્ફરન્સમાં ઈજા અંગે અપડેટ આપી હતી. જણાવી દઈએ કે એ દરમિયાન ફ્લેમિંગે પુષ્ટિ કરી કે મેગાલાને તેની આંગળીમાં ઈજા થઈ છે અને તે ઓછામાં ઓછા આવનારઆ બે અઠવાડિયા માટે દરેક મેચની બહાર રહેશે. આ સાથે જ જણાવી દઈએ કે ચેન્નાઈ સુપર કિંગ્સ આવનાર બે અઠવાડિયામાં ત્રણ મેચ રમવાની છે. આઈપીએલના શેડ્યુઅલ મુજબ હવે ચેન્નાઈની ટીમ 17 એપ્રિલે રોયલ ચેલેન્જર્સ બેંગ્લોર સામેની મેચ માટે બેંગલુરુ જશે, ત્યારબાદ 21 એપ્રિલે સનરાઈઝર્સ હૈદરાબાદ અને 23 એપ્રિલે કોલકાતા નાઈટ રાઈડર્સ સામે મેચ રમશે.
આ સાથે જ આ જ પ્રેસ કોન્ફરન્સ દરમિયાન સ્ટીફન ફ્લેમિંગે CSKના બીજા ખેલાડીઓ વિશે પણ અપડેટ આપતા કહ્યું હેટ કે બેન સ્ટોક્સની સ્થિતિ પર નજર રાખવામાં આવી રહી છે. સાથે જ બેન સ્ટોક્સ ટૂંક સમયમાં CSK માટે રમવા માટે ઉપલબ્ધ થશે. આ સાથે જ દીપક ચહર થોડા અઠવાડિયા માટે મેદાનની બહાર રહેશે. આ સાથે જ મેચ માટે પ્લેઈંગ 11માં સિસાંડા મગાલાના સ્થાને શ્રીલંકાના મતિશા પથિરાનાને સામેલ કરવામાં આવે તેવી શક્યતા છે.
