- વધુ એન્ટીબાયોટિક દવાઓ લેવાથી શરીરને થાય છે નુકસાન
- ડોક્ટરોને દવા લખતી વખતે સટીક સંકેતો ફરજિયાત લખવા સૂચન
- ડૉક્ટરોને લઇ કેન્દ્ર સરકારે નિયમ સખ્ત કર્યો
ભારતમાં એન્ટીબાયોટિક્સ કે એન્ટિમાઇક્રોબાયલ દવાઓના દુરઉપયોગને રોકવા માટે કેન્દ્ર સરકારે ડોક્ટરોને દવા લખતી વખતે સટીક સંકેતો ફરજિયાત લખવાનું કર્યું છે. સ્વાસ્થ્ય અને પરિવાર કલ્યાણ મંત્રાલય હેઠળના એકમ ડિરેક્ટોરેટ જનરલ ઓફ હેલ્થ સર્વિસીસ (DGHS)એ દેશના તમામ મેડિકલ કોલેજો, મેડિકલ એસોસિએશનો અને ફાર્માસિસ્ટ એસોસિએશનના ડોક્ટરોને પત્ર લખીને આ અંગે 'તાત્કાલિક અપીલ' કરી છે.
ડોક્ટર અતુલ ગોયલ દ્વારા 3 પત્રો લખવામાં આવ્યા છે. જેમાં DGHSએ ફાર્માસિસ્ટ એસોસિએશનોને 'ફક્ત યોગ્ય ડૉક્ટરને પ્રિસ્ક્રિપ્શન પર' એન્ટિબાયોટિકનું વિતરણ કરવા અને 'એન્ટીબાયોટિક્સના કાઉન્ટર પર વેચાણ બંધ કરવા'નું કહેવામાં આવ્યું છે.ડોક્ટર્સના પ્રિસક્રિપ્શનમાં દર્દીમાં જોવા મળેલા લક્ષણો વિશે એકદમ સટીક જાણકારી દેવાનું કહેવામાં આવ્યું છે. જે એન્ટી બાયોટિક્સ અથવા એન્ટિમાઈક્રોબાયલ દવાઓ લખવામાં આવી છે તેના વિશે માહિતી આપવાનું કહેવામાં આવ્યું છે. કેન્દ્ર સરકારે આદેશ કર્યો છે કે આ દવાઓના દુરપયોગ અથવા વધુ પડતા ઉપયોગને રોકવા માટે ડૉક્ટરે તેમના ઉપયોગનો ચોક્કસ હેતુ અથવા જરૂરિયાત સ્પષ્ટપણે સમજાવવી જોઈએ.
WHO ના જણાવાયા અનુસાર
WHO અનુસાર આ પગલુ એન્ટીબાયોટિક દવાઓના વધુ પડતા ઉપયોગ પર અંકુશ લગાવવાની દિશામાં એક મોટા પગલાના રૂપમાં જોવામાં આવી રહ્યું છે. વધારે પડતી એન્ટીબાયોટિક દવાઓ લેવાથી શરીરને નુકસાન થાય છે. સાથે જ એન્ટિબાયોટિક્સ વધારે પડતી લેવાથી શરીર એન્ટિમાઇક્રોબાયલ રેઝિસ્ટન્ટ (AMR) બની જાય છે. WHOએ તેને માનવો સામેના 10 સૌથી મોટા સ્વાસ્થ્ય જોખમોમાનું એક ગણાવ્યું છે.
વધુ વાંચો:ન કોઇ બીમારી, છતાંય રાત્રે સ્તનપાન કરાવ્યા બાદ બાળક સવારમાં ઉઠ્યું જ નહીં, જાણો તકેદારીના પગલાં
AMR આધુનિક દવાઓના ફાયદાઓને જોખમમાં મૂકે છે
એવો અંદાજ છે કે AMR બેક્ટેરિયા 2019માં વિશ્વભરમાં 271 કરોડથી વધારે મૃત્યુ માટે જવાબદાર છે, ડોકટર્સ સંઘને મોકલવામાં આવેલા પત્રમાં, DGHSએ જણાવ્યું હતું કે 'AMR આધુનિક દવાઓના ફાયદાઓને જોખમમાં મૂકે છે. DGHS એ તમામ હિતધારકોને કહ્યું કે સારવારમાં નાકામ થવાના કારણે લાંબા સમયે રોગમાં પરીણમે છે. જેથી ઉચ્ચા ડોઝની જરૂર પડે છે. આ ઉચ્ચા ડોઝના કારણે લોકો બિમાર પડે છે અને નવી બિમારીઓને આમંત્રણ આપે છે.
