નવાજૂનીના સંકેત! / વડોદરા મનપા કમિશનર બંછાનિધિ પાનીની ફરીવાર બદલીના એંધાણ, CR પાટીલે આપ્યું મોટું નિવેદન

• બંછાનિધિ પાનીની બદલી મુદ્દે CR પાટીલનું મોટું નિવેદન
• બંછાનિધિ પાની અમદાવાદ જાય એવું આપણે ઇચ્છીએઃ પાટીલ
• બંછાનિધિ પાનીની વડોદરા મનપા કમિશનર તરીકે થઈ છે બદલી

ગુજરાત વિધાનસભા ચૂંટણી પહેલા રાજ્યમાં બદલીઓનો દોર યથાવત રીતે શરૂ છે. તાજેતરમાં જ સુરત અને વડોદરાના મનપા કમિશનરની આંતરિક બદલી કરવામાં આવી હતી. ત્યારે હવે CR પાટીલનું બંછાનિધિ પાનીની બદલી મુદ્દે મોટું નિવેદન સામે આવ્યું છે.

CR પાટીલનું સુરતથી વડોદરા મનપા કમિશનર બંછાનિધિ પાનીની બદલી મુદ્દે મોટું નિવેદન, કહ્યું 'બંછાનિધિ પાની અમદાવાદ જાય એવું આપણે ઇચ્છીએ, અમદાવાદ કમિશનરની જગ્યા ખાલી છે' @CRPaatil

— VTV Gujarati News and Beyond (@VtvGujarati) October 6, 2022

બંછાનિધિ પાની અમદાવાદ જાય એવું આપણે ઇચ્છીએ: પાટીલ

CR પાટીલે સુરતના એક કાર્યક્રમમાં હાલ વડોદરા મનપા કમિશનર તરીકે ફરજ બજાવનાર બંછાનિધિ પાનીને લઇને નિવેદન આપતા કહ્યું કે, 'બંછાનિધિ પાની અમદાવાદ જાય એવું આપણે ઇચ્છીએ. અમદાવાદ કમિશનરની જગ્યા ખાલી છે.'

તાજેતરમાં જ બંછાનિધિ પાનીની વડોદરા મનપા કમિશનર તરીકે થઈ છે બદલી

ઉલ્લેખનીય છે કે, હજુ ચાર-પાંચ દિવસ અગાઉ જ સુરત અને વડોદરા મનપા કમિશનરોની પરસ્પર બદલી કરવામાં આવી હતી. જેમાં સુરતના બંછાનીધી પાનીને વડોદરાના મનપા કમિશનર બનાવાયા હતા તો વડોદરાના કમિશનર શાલીની અગ્રવાલને સુરતના મનપા કમિશનર બનાવાયા છે. બંછાનિધિ પાની કે જેઓ છેલ્લા ત્રણ વર્ષથી સુરત મહાનગરપાલિકાના કમિશનર તરીકે રહ્યાં હતા.

બંછાનિધિ પાની કે જેઓ હવે વડોદરા મનપાના કમિશનર તરીકે નિયુક્ત થયા છે. બંછાનિધિ પાની સુરત માટે અનેક પ્રકલ્પોને ઝડપથી પૂર્ણ કરવા માટે સતત પ્રયત્નશીલ રહ્યાં હતા. કોરોના કાળ દરમિયાન પણ સુરતમાં સૌથી વધુ ઝડપી વેક્સિનેશનની કામગીરી પણ તેમના દ્વારા પૂર્ણ કરવામાં આવી હતી. જેની નોંધ રાજ્ય સરકાર અને છેક કેન્દ્ર સરકાર સુધી લેવાઇ હતી.

ત્રણ વર્ષ પૂર્ણ થતાં આંતરિક બદલીના ભાગ સ્વરૂપે પરસ્પર બદલી કરાઇ

તમને જણાવી દઇએ કે, ત્રણ વર્ષ પૂર્ણ થતાં આંતરિક બદલીના ભાગ સ્વરૂપે સુરતના મનપા કમિશનર બંછાનિધિ પાનીને વડોદરાના કમિશનર તરીકે નિયુક્ત કર્યા છે અને સુરતમાં શાલિની અગ્રવાલને કમિશનર તરીકેની નિયુક્તિ કરવામાં આવી છે. અત્રે નોંધનીય છે કે, PM મોદીની સુરત મુલાકાતના બીજા જ દિવસે બદલીનો ઓર્ડર કરાયો હતો. મનપા કમિશનર બંછાનિધિ પાની સરકારના નજીકના અધિકારી તરીકે માનવામાં આવે છે.