ઈલેક્શન 2022 / 8 તારીખ પછીની બધી પ્લેનની ટિકિટ કેન્સલ કરાવી દેજો, ભ'ઇ...: CR પાટીલે સભામાં કોને આપી આવી સલાહ?

• સી આર પાટીલના કોંગ્રેસ-AAP પર પ્રહાર
• AAP કહેતા ભી દીવાના સુનતા ભી દીવાના જેવી: પાટીલ
• "ચૂંટણી પછી દિલ્હી સરકારની આખી કેબિનેટ જેલમાં બોલાવવી પડશે"

ગુજરાત વિધાનસભા ચૂંટણી મહાજંગ 2022 ભારે રસાકસીનો છે. ભાજપ કોંગ્રેસના સીધા જંગ વચ્ચે હવે આમ આદમી પાર્ટીએ પણ ઝંપલાવ્યું છે. ત્રણય પક્ષ ચૂંટણીજીત માટે તમામ પ્રયાસ કરી રહી છે. જેમ જેમ મતદાનની તારીખ નજીક આવી રહી છે તેમ તેમ રાજકારણ વધુ ગરમાતું જોવા મળી રહ્યું છે. આ રાજકીય મહોલ વચ્ચે આરોપ અને આક્ષેપબાજી ફરી એક વખત શરૂ થઈ ગઈ છે. આંકલાવમાં સભા દરમિયાન ભાજપ પ્રેદશ અધ્યક્ષ  સી આર પાટીલે કોંગ્રેસ અને આમ આદમી પાર્ટી પર આકરા પ્રહાર કર્યા છે.

પાટીલના કોંગ્રેસ-AAP પર પ્રહાર
આંકલાવમાં સભા દરમિયાન સી આર પાટીલે કોંગ્રેસ અને AAP પર પ્રહાર કર્યો છે તેમણે પ્રહાર કરતા કહ્યું કે, બોફોર્સ કૌભાંડમાં આ વિસ્તારના નેતાએ ચિઠ્ઠી લખી હતી અને જે ચિઠ્ઠી લખી આ વિસ્તાર સહિત મધ્ય ગુજરાતને પર કલંક લગાડ્યું હતું તેણે કહ્યું કે, આવા લોકોને માફ ન કરાય તેમણે આમ આદમી પાર્ટી પર પ્રહાર કરતા કહ્યું કે, AAP કહેતા ભી દીવાના સુનતા ભી દીવાના જેવી છે. તેમણે આપ પર તીખા પ્રહાર કરતા જણાવ્યું હતું કે, ચૂંટણી પછી દિલ્લી સરકારની આખી કેબિનેટ જેલમાં બોલાવવી પડશે તેમણે કહ્યું હતું ,કે,  કેજરીવાલ હોશિયાર છે જેથી તેમણે પોતે એક પણ ખાતું તેમની પાસે નથી રાખ્યું કારણ કે, ક્યાંય સહી જ નહીં કરવાની જેથી કહી શકાય કે મને ખબર જ નથી.

"8 તારીખ પછીની બધી પ્લેનની ટિકિટ કેન્સલ કરાવી દેજો"
સી આર પાટીલ વિપક્ષો પર પ્રહાર કરતા કહ્યું કે, પરિવર્તનની વાત કરે છે પરંતું 8 તારીખ પછીની બધી પ્લેનની ટિકિટ કેન્સલ કરાવી દેજો અત્યારથી બાકી રિફંડ પણ નહી મળે તેમણે કહ્યું કે, AAP કહેતા ભી દિવાના સુનતા ભી દિવાના જેવી છે. તેમણે વિપક્ષો પર પ્રહાર કરતા કહ્યું કે, પેન્શન આપવાની વાત કરે છે પરંતુ એ 60 વર્ષથી વધુ ઉમંરના લોકો અશક્ત લોકોને આપવાનું હોય છે, અહીં ગુજરાતીઓ પાટુ મારીને પાણી કાઢવાવાળા છે.