ચુકાદો / ગાયને રાષ્ટ્રીય પશુ જાહેર કરો, ગૌરક્ષાને હિંદુઓનો મૌલિક અધિકાર બનાવવો જોઈએ : હાઈકોર્ટ

• અલ્હાબાદ હાઈકોર્ટેની મહત્વની ટીપ્પણી
• ગાય ભારતની સંસ્કૃતિ-કોર્ટ
• ગાયને રાષ્ટ્રીય પશુ જાહેર કરવું જોઈએ- અલ્હાબાદ હાઈકોર્ટ

અલ્હાબાદ હાઈકોર્ટે જણાવ્યું કે ગૌરક્ષાને કોઈ ધર્મ સાથે ન જોડવાની જરુર નથી. ગાયને એક રાષ્ટ્રીય પશુ જાહેર કરવુ જોઈએ. કેન્દ્ર સરકાર તેની પર વિચાર કરવો જોઈએ.

જાવેદખાન નામના શખ્સની અરજી પર કોર્ટે કરી ટીપ્પણી

અલ્હાબાદ હાઈકોર્ટે જાવેદખાન નામના શખ્સની અરજી ફગાવતા આ ટીપ્પણી કરી હતી. જાવેદ પર ગૌહત્યા અટકાવ અધિનિયમની કલમ 3,5 અને 8 હેઠળ આરોપ લાગ્યાં છે. કોર્ટે અરજદાર જાવેદની અરજી રદ કરવા કહ્યું કે ગૌરક્ષા ફક્ત કોઈ એક ધર્મની જવાબદારી નથી. ગાય આ દેશની સંસ્કૃતિ છે અને તેની સુરક્ષાની જવાબદારી બધાની છે પછી ભલેને તમે ગમે તે ધર્મના હોય. 

અલ્હાબાદ હાઈકોર્ટના જજે ભારપૂર્વક જણાવ્યું કે જ્યાં સુધી દેશમાં ગાયોની સુરક્ષા સુનિશ્ચિત નહીં કરવામાં આવે ત્યાં સુધી દેશનો વિકાસ અધૂરો જ રહેશે.

સરકાર કાયદો લાવીને રાષ્ટ્રીય પશુ જાહેર કરે

જસ્ટિસ શેખર કુમાર યાદવે આ ચુકાદો સંભળાવતા કહ્યું કે સરકારે હવે સંસદમાં એક કાયદો લાવવો જોઈએ. ગાયને પણ મૂળભૂત અધિકારો મળવા જોઈએ. હવે સમય આવી ગયો છે કે ગાયને એક રાષ્ટ્રીય પશુ જાહેર કરવામાં આવે. જે લોકો ગાયને પરેશાન કરે છે અથવા તેને નુકશાન કરવાનો પ્રયાસ કરે છે તેની સામે કડક કાર્યવાહી થવી જોઈએ. 

ઉલ્લેખનીય છે કે 2017 માં પણ રાજસ્થાન હાઈકોર્ટે ગાયને રાષ્ટ્રીય પશુ જાહેર કરવાનું જણાવ્યું હતું. 

હિંદુઓને ગૌરક્ષનો મૌલિક અધિકાર મળવો જોઈએ.

ચુકાદો સંભળાવતા હાઈકોર્ટે તર્ક આપ્યો કે હિંદુઓને ગૌરક્ષનો મૌલિક અધિકાર મળવો જોઈએ. ભારત એક એવો દેશ છે કે જ્યાં જુદાજુદા ધર્મના લોકો સાથે રહે છે, જ્યાં લોકો અલગ અલગ પૂજા કરે છે. 

દેશમાં ઘણી ગૌશાળાઓ પણ હાલત ઘણી દયનીય-અલ્હાબાદ હાઈકોર્ટ

દેશમાં હાલ ઘણી ગૌશાળાઓ છે જોકે તેની સ્થિતિ ઘણી દયનીય છે તે વાતે અલ્હાબાદ હાઈકોર્ટે નારાજગી વ્યક્ત કરી હતી. હાઈકોર્ટે કહ્યું કે એ જોઈને દુખ થાય છે કે જે લોકો ગાયને બચાવવાની વાત કરે છે તેઓ પાછળથી ગૌભક્ષક બની જાય છે.