સુરેન્દ્રનગરના ઝાલાવાડ જીનિંગ કૌભાંડ મામલે ડિસ્ટ્રીક્ટ કોર્ટે તમામ 11 કૌભાંડીઓ સામે ફોજદારી કાર્યવાહી કરવાનો આદેશ આપ્યો છે.
Share
ઝાલાવાડ જીનિંગ કૌભાંડ મામલે કાર્યવાહી
11 કૌભાંડીઓ સામે કાર્યવાહી કરવા આદેશ
આરોપીએ મંડળી પુન:જીવત કરીને કૌભાંડ આચર્યું
સુરેન્દ્રનગરની ઝાલાવાડ જીનિંગ એન્ડ પ્રેસીંગ સહકારી મંડળીના સભ્યો અને પૂર્વ ફડચા અધિકારીની મિલીભગતથી કરોડોના કૌભાંડ પ્રકરણને દબાવવા માટે રાજકીય નેતાઓએ એડીચોટીનું જોર લગાવ્યું હતું. પરંતુ હાઈકોર્ટે આ મામલે કાર્યવાહીની આદેશ આપ્યા છે. સુરેન્દ્રનગરના ઝાલાવાડ જીનિંગ કૌભાંડ મામલે કાર્યવાહી કરવાનો આદેશ આપવામાં આવ્યો છે. ડિસ્ટ્રીક્ટ કોર્ટે 11 કૌભાંડીઓ સામે ફોજદારી કાર્યવાહી કરવાનો આદેશ આપ્યો છે. આ તમામે ફડચામાં ગયેલી મંડળીને ખોટી રીતે પુનઃજીવિત કરી કૌભાંડ આચર્યું હતું. ફડચામાં ગયેલી મંડળી પાસે કરોડોની જમીન હતી. મંડળીની જમીન પર આ તમામ લોકોની નજર હતી. જેથી જમીન હડપ કરવા આ તમામે ફરીથી મંડળીને પુનઃજીવિત કરી હતી. મૃત્યુ પામેલા સભ્યોની સહી લઈને મંડળી પુનઃજીવિત કરાઈ હતી. તત્કાલિન ફડચા અધિકારી ડી.ડી.મોરીએ મંડળીને પુનઃજીવિત કરવા મદદ કરી હતી.
મંડળી પાસે કરોડોની જમીન હતી
ભાજપના અગ્રણીએ કર્યો પર્દાફાશ
આ મામલે પોલીસે ફરિયાદ ન લેતા ભાજપના જ અગ્રણીએ હાઇકોર્ટમાં ફરિયાદ કરી હતી. જેથી હાઈકોર્ટે વઢવાણ APMC ચેરમેન રામજી ગોહિલ સહિત 11 અગ્રણીઓ સામે કાર્યવાહી કરવાનો આદેશ આપ્યો છે. કિસાન સેલના પ્રમુખ વજુભાઈ મુખીની ફરિયાદ પર હાઇકોર્ટે ડિસ્ટ્રીક્ટ કોર્ટને આદેશ કર્યો છે. જેથી ડિસ્ટ્રીક્ટ કોર્ટે પોલીસને કાર્યવાહી કરવા માટેનો આદેશ આપ્યો છે. સમગ્ર કૌભાંડમાં કોર્ટે આદેશ કરતા રાજકારણ ગરમાયું છે.
ઝાલાવડ જીનિંગમાં કૌભાંડ કેવી રીતે થયું?
- આરોપીએ ફડચામાં ગયેલી મંડળીને ખોટી રીતે પુનઃજીવિત કરી હતી
- 22 કૌભાંડીઓએ મંડળીને પુન:જીવત કરીને કૌભાંડ આચર્યું
- મંડળીની જમીન ઝડપી લેવા આરોપીએ ફરીથી મંડળીને પુનઃજીવિત કરી
- મૃતક સભ્યોની સહીનો દુરૂપયોગ કરીને મંડળીને કરી હતી પુનઃજીવિત
- તત્કાલિન ફડચા અધિકારી ડી.ડી.મોરીએ મંડળીને પુનઃજીવિત કરવા કરી હતી મદદ
- જીનિંગ કૌભાંડમાં પોલીસ ફરિયાદ ન થતાં ભાજપના અગ્રણીએ હાઈકોર્ટમાં કરી હતી ફરિયાદ
- મંડળીની જમીનમાં હતી આરોપી સભ્યોની નજર
- 1957માં બનાવવામાં આવી હતી મંડળી
- વર્ષ 1993માં મંડળી ફડચામાં ગઇ હતી
