હેલ્થ / થાક લાગવો, શ્વાસ લેવામાં તકલીફ... જો તમારામાં પણ દેખાય આ લક્ષણો, તો સાવધાન! હોઇ શકે છે આ ગંભીર બિમારી

• ફેમસ અભિનેત્રી છવિ મિત્તલ એક કેન્સર સર્વાઈવર
• કોસ્ટોકોન્ડ્રાઈટિસ બિમારી બાબતે જાણકારી આપી
• કોસ્ટોકોન્ડ્રાઈટિસમાં છાતીની દીવાલ પર દુખાવો થાય છે

ટીવીની ફેમસ અભિનેત્રી છવિ મિત્તલ એક કેન્સર સર્વાઈવર પણ છે, તેમણે તેમની બિમારી કોસ્ટોકોન્ડ્રાઈટિસ બાબતે જાણકારી આપી છે. આ બિમારી શું છે? કોસ્ટોકોન્ડ્રાઈટિસમાં છાતીની દીવાલ પર દુખાવો થાય છે, જેને કોસ્ટોસ્ટર્નલ સિંડ્રોમ પણ કહેવામાં આવે છે. આ એક એવી પરિસ્થિતિ છે, જેમાં બ્રેસ્ટના હાડકાંને જોડતા હોય તેવા હાડકાંમાં સોજો આવે છે, જેના કારણે છાતીની દીવાલમાં દુખાવો થાય છે. કોઈપણ ઉંમરની વ્યક્તિને આ બિમારી થઈ શકે છે. પુરુષોની સરખામણીએ મહિલાઓને આ બિમારી વધુ થાય છે. 30-40 વર્ષ સુધીની મહિલાઓને આ બિમારી થવાનું જોખમ વધુ રહે છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Chhavi Mittal (@chhavihussein)

કોસ્ટોકોન્ડ્રાઈટિસના લક્ષણો 
કોસ્ટોકોન્ડ્રાઈટિસના લક્ષણો છાતીમાં દુખાવ થવો તે એક સામાન્ય લક્ષણ છે, જે શરીરના અન્ય અંગો સુધી ફેલાઈ શકે છે. જે જગ્યાએ દુખાવો થતો હોય તેના કારણે શ્વાસ લેવામાં તકલીફ પણ થઈ શકે છે. આ બિમારીના શરૂઆતના લક્ષણોમાં થાક લાગવો, સૂવામાં તકલીફ, શ્વાસ લેવામાં તકલીફ જેવી પરેશાનીઓ શામેલ છે. વધુ એક્ટિવિટી કરવામાં આવે તો આ દુખાવો વધી શકે છે. 

કોસ્ટોકોન્ડ્રાઈટિસ કયા કારણોસર થઈ શકે?
કોસ્ટોકોન્ડ્રાઈટિસ થવાનું કારણ જાણી શકાતું નથી. આ બિમારીમાં છાતીની દીવાલ પર કોઈ જૂની ઈજા, ઈન્ફેક્શન, ફાઈબ્રોમાયલ્જિયા અને ઓટોઈમ્યૂનની બિમારીમાં તેટલી જગ્યામાં ઈન્ફેક્શન થવાનું જોખમ રહે છે. 

કોસ્ટોકોન્ડ્રાઈટિસ ઈલાજ
કોસ્ટોકોન્ડ્રાઈટિસનો ઈલાજ કરીને સોજો અને દુખાવો ઓછો કરી શકાય છે. આ બિમારીમાં નોનસ્ટેરોઈડલ એન્ટી ઈન્ફ્લામેટરી ડ્રગ્સ જેવી દવાઓનો ઉપયોગ કરવામાં આવે છે. માંસપેશીઓનો દુખાવો પણ ઓછો થઈ શકે છે. કેટલાક કેસ એવા પણ હોય છે, જેમાં સોજો અને દુખાવો ઓછો કરવા માટે ઈન્જેક્શનનો ઉપયોગ કરવામાં આવે છે. 

સર્જરી ક્યારે કરાવવી પડે છે
કોસ્ટોકોન્ડ્રાઈટિસના કેટલાક ગંભીર કેસમાં સર્જરી કરાવવાની જરૂર રહે છે. જેમાં હાડકાંને કાપવા પડે છે, આ સર્જરીને અંતિમ ઉપાય તરીકે કરવામાં આવે છે. સર્જરી પછી દુખાવો અને ઈન્ફેક્શનનું જોખમ વધી જાય છે. તમે આ બિમારી માટે કયા ઈલાજની પસંદગી કરો છો, તેનાથી કોઈ ફરક પડતો નથી. આ બિમારીમાં દુખાવાથી રાહત મળવી જરૂરી છે, જેથી તમે ફરીથી એક્ટિવ થઈ શકો. એક્ટિવ રહેવાથી માંસપેશીઓમાં દુખાવો અને તણાવ ઓછો થાય છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)