મદદ / લોકડાઉનમાં કોઇ ભૂખ્યું સૂવે નહીં તે માટે શરૂ થયેલ સેવાયજ્ઞ વિશે જાણી સલામ કરવાનું થશે મન

• કોરોનાના કહેર વચ્ચે માનવતા મહેકી
• સુરતીલાલાઓ શરૂ કર્યો અનોખો સેવાયજ્ઞ
• દરરોજના 1500 લોકોને પૂરુપાડે છે ભોજન

ઉલ્લેખનીય છે કે, લોકડાઉનને પગલે રોજનું પેટીયું રળી ખાતા લોકોની મુશ્કેલીમાં વધારો થયો છે. ત્યારે આવા જરૂરિયાતમંદોની મદદને અનેક લોકો આવી રહ્યાં છે. ત્યારે સુરતના સિમાડા ખાતે ગરીબોને ભોજન માટે સેવા કાર્યો થઇ રહ્યાં છે. 1500 વ્યક્તિઓને દરરોજ ભોજન પહોંચાડવાની વ્યવસ્થા કરવામાં આવી છે. એટલું જ નહીં સોશિયલ ડિસ્ટન્સ રાખીને ભોજન તૈયાર કરાઈ રહ્યુ છે.

દરરોજ 1500 લોકોને પહોંચાડવામાં આવે છે ભોજન 

સુરતના સિમાડા વિસ્તારમાં શહેરના સમાજસેવી નાગરિકો દ્વારા દરરોજ 1500 જેટલા લોકોને થાય તેટલું ભોજન તૈયાર કરવામાં આવે છે. ભોજન બનાવતી વખતે મહિલાઓ હાથમાં ગ્લોવ્ઝ અને મોઢે માસ્ક પહેરવાનું ક્યારેય ભૂલતા નથી. તો ભોજન બનાવતી વખતે સોશિયલ ડિસ્ટેન્સિંગના ખ્યાલનું અચૂક ધ્યાન રાખવામાં આવે છે. આ સાથે જ જાણે પોતાના ઘેર જ ભોજન બનાવવામાં આવતું હોય તેવા ભાવ સાથે સમાજસેવી પરિવારની મહિલાઓ ભૂખ્યા લોકો માટે ભોજન તૈયાર કરે છે. 

સોશિયલ મીડિયા થકી મળે છે કોલ 

આ ભગીરથ કાર્ય સાથે જોડાયેલા એક સમાજસેવીએ VTVના પ્રતિનિધિ સાથે વાત કરતા જણાવ્યું હતું કે, દરરોજ તેમને સોશિયલ મીડિયામાં તરતા થયેલા મેસેજ પરથી કોલ આવે છે અને કોલ મળતાની સાથે જ આ સેવાયજ્ઞમાં જોડાયેલા લોકો તાત્કાલિક અસરથી તે સ્થળે પહોંચીને જરૂરીયાતમંદ લોકોને ભોજન પૂરૂ પાડે છે. 

શહેરના વિવિધ વિસ્તારોમાં પહોંચાડવામાં આવે છે

ઉલ્લેખીય છે કે, જમવા માટેની આ વ્યવસ્થા શહેરના માત્ર સિમાડા વિસ્તાર સુધીની જ નથી પરંતુ જે વિસ્તારમાંથી કોલ આવે તે સ્થળે ભોજન પહોંચાડવામાં આવે છે અને દરરોજના આશરે 1500 જેટલા લોકો રાજી થઇને પોતાની ભૂખ સંતોષી આ સેવાકાર્ય કરનારાઓને આશિર્વાદ આપે છે. 

પ્રધાનમંત્રી મોદીએ પણ ગરીબના એક પરિવારની જવાબદારી લેવાની કરી છે અપીલ 

દેશમાં કોરોના વાયરસને કારણે લોકડાઉનનો માહોલ છે ત્યારે દરરોજ મહેનત કરીને પેટીયું રળતા લોકો માટે આ લોકડાઉનની સ્થિતિમાં ખાવાનો પ્રશ્ન થયો છે. આ બાબતને દેશના પ્રધાનમંત્રીએ પણ ધ્યાને લઇને લોકોને ગરીબના એક પરિવારની જવાબદારી લોકડાઉન પૂર્ણ થાય નહીં ત્યાં સુધી લેવા માટે અપીલ કરી