સાચવજો / ગુજરાતમાં કોરોનાથી હવે ડરવા જેવું ! ગઈ કાલ કરતાં કેસમાં બમણો ઉછાળો, 1 દિવસમાં 402 નવા કેસ, અમદાવાદ હાઈએસ્ટ

• રાજ્યમાં કોરોના કેસોમાં સતત વધારો
• છેલ્લા 24 કલાકમાં 402 કેસ નોંધાયા
• એક્ટિવ કેસ વધીને 1529 પર પહોંચ્યા

ગુજરાતમાં ફરી કોરોનાએ માથું ઉચકયો હોય તેવી સ્થિતિ જન્મી રહી છે.  કોરોના કેસમા ચિંતાજનક વધારો નોંધાઇ રહ્યો છે. ગુજરાતમાં ફરી કોરોનાનું સંક્રમણ વધતા આરોગ્ય તંત્ર પણ દોડતું થયું છે તો લોકોમાં પણ ડરનો માહોલ જોવા મળી રહ્યો છે. ફરી એકવાર રોજિંદા સંક્રમિત દર્દીઓનો જોરદાર વધારો થઈ રહ્યો છે. આજે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 402 પોઝીટિવ કેસ નોંધાયા છે.

અમદાવાદમાં 220 કેસ નોંધાયા
અમદાવાદમાં 220 કેસ નોંધાયા છે જ્યારે રાજકોટમાં 30 કેસ, સુરકમાં 32 કેસ તેમજ મોરબીમાં 18 કેસ નોંધાયા છે. અમરેલીમાં 18 કેસ મહેસાણામાં 12 તેમજ રાજકોટમાં 12 વડોદરામાં 23 કેસ નોંધાયા છે. સાબરકાંઠામાં 9 કેસ ગાંધીનગરમાં 8 કેસ નોંધાયા છે. વલસાડમાં 5 કેસ તેમજ ભરૂચમાં 3 જામનગરમાં 3 અને નવસારીમાં 3 અને આણંદમાં 2 કેસ નોંધાયા છે. અમદાવાદ અને કચ્છમાં એક એક દર્દીનું કોરોનાથી મોત થયું છે. 7 દર્દી વેન્ટીલેટર પર હોવાનું જાણવા મળી રહ્યું છે. ઉપરાંત છેલ્લા 24 કલાકમાં 543 લોકોએ કોરોના પ્રતિરોધક વેકસીન લીધી હોવાનું પણ સામે આવ્યું છે

ગુજરાતમાં કોરોના કેસમાં ગઈ કાલ કરતાં આજે બમણો વધારો, છેલ્લા ચોવીસ કલાકમાં 402 નવા કેસ, 2 દર્દીના મોત#gujarat #vtvgujarati #corona pic.twitter.com/wVvNKpEDD8

— VTV Gujarati News and Beyond (@VtvGujarati) March 25, 2023

જુઓ વિગતે ક્યાં કેટલા કેસ...

162 દર્દીઓ કોરોનાથી સાજા થયા
ગુજરાતમાં આજે કોરોનાના 402 કેસ નોંધાયા છે. રાજ્યમાં કોરોનાથી સાજા થવાનો દર 99.02 ટકા નોંધાયો છે. તેમજ આજે 162 દર્દીઓ કોરોનાથી સાજા થયા છે. હાલ રાજ્યમાં 1529 કોરોનાના એક્ટિવ કેસ છે. 24 કલાકમાં 162 દર્દી સ્વસ્થ થયા છે. રાજ્યમાં આજે 543 લોકોને રસી અપાઈ છે.