સમર્થન / કોંગ્રેસ નેતાએ હેમાંગ રાવલે કહ્યું બાગેશ્વર ધામમાં મારી અંગત આસ્થા, કમલનાથ પણ જાય છે દર્શન કરવા

Vishal Khamar

Last Updated: 05:33 PM, 18 May 2023

FOLLOW ON

શેર કરો

આગામી દિવસોમાં અમદાવાદ ખાતે બાબા બાગેશ્વરનો ભવ્ય લોકદરબારનું આયોજન કરવામાં આવ્યું છે. ત્યારે કોંગ્રેસનાં નેતા હેમાંગ રાવલે ધીરેન્દ્ર શાસ્ત્રીને સમર્થન મુદ્દે જણાવ્યું હતું કે, બાગેશ્વર બાબા પોતે હનુમાનજીનું સ્વરૂપ છે.

અખંડ ભારતની વાતો કરતા ધીરેન્દ્ર શાસ્ત્રીના પર હેમાંગ રાવલનું નિવેદન
હું અને કોંગ્રેસ સર્વધર્મ સમભાવમાં માનનારા છીએઃ રાવલ
અમે તમામ ધર્મના લોકોને માન આપીએ છીએઃ રાવલ

કોંગ્રેસ નેતા હેમાંગ રાવલને ધીરેન્દ્ર શાસ્ત્રીને સમર્થન કરતા કહ્યું કે બાગેશ્વર બાબા પોતે હનુમાનજીનું સ્વરૂપ છે. તેમજ બાબા બાગેશ્વર અને ધીરેન્દ્ર શાસ્ત્રીને અલગ રાખવાની જરૂર છે. મધ્યપ્રદેશમમાં લાખો લોકો દર્શન કરવા જાય છે. મધ્યપ્રદેશના પૂર્વ મુખ્યમંત્રી કમલનાથ પણ બાગેશ્વરધામ જાય છે. કોંગ્રેસને કર્ણાટકમાં પણ બજરંગબલીના આર્શીર્વાદ મળ્યા છે. બાગેશ્વર ધામમાં મારી અંગત શ્રદ્ધા છે.

હું બાબા બાગેશ્વરને માનું છું અને તેઓનાં આર્શીર્વાદ મેળવવા માંગુ છુંઃ હેમાંગ રાવલ
બાબા બાગેશ્વરને સમર્થન મુદ્દે હેમાંગ રાવલે વધુમાં જણાવ્યું હતું કે, બાબા બાગેશ્વર બાલાજી હનુમાનજીનું સ્વરૂપ છે અને હનુમાનજીની મૂર્તિ ત્યાં સ્વયં પ્રગટ થઈ છે. સૌ પ્રથમ તો બાબા બાગેશ્વર અને ધીરેન્દ્ર શાસ્ત્રી બંનેને અલગ કરવા જોઈએ. ભગવાન હનુમાનજીનાં આર્શીર્વાદ કર્ણાટકની ચૂંટણીમાં જ્યારે કોગ્રેસને મળ્યા હોય ત્યારે ધર્મ જે છે એ મારી આસ્થાનો સવાલ છે. વિરોધ બાબતે તેઓને પૂછતા તેઓએ જણાવ્યું હતું કે, હું સર્વ ધર્મ સમભાવ કોંગ્રેસની વિચારધારાને માનું છું. પરંતું સાથે સાથે મને જે પ્રમાણે બંધારણમાં મારા ધર્મ ઉપર આસ્થા રાખવાની છૂટ આપવામાં આવી છે અને અધિકાર છે. અને એમને હુ માનું છું. તેમ તેઓનાં આર્શીર્વાદ મેળવવા માંગુ છું.

સંકળાયેલા મુદ્દાઓ

Hemang Rawal baba bageshwar congress સમર્થન હેમાંગ રાવલ Baba Bageshwar News