શિયાળો / ગુજરાતની ઠંડીને લઇને હવામાન વિભાગની આગાહી, આગામી 2 દિવસમાં...

• આગામી બે દિવસમાં ઠંડીમાં વધારો થશે વધારો 
• હવામાન વિભાગની આગાહી 
•  તાપમાન 3 ડિગ્રી સુધી ઘટી શકે

નોંધનીય છે કે, સવારે અને રાત્રે ઠંડી અને બપોરે ગરમીનો અહેસાસ થાય છે. જેથી લોકો ડબલ સીઝનનો અનુભવ કરી રહ્યાં છે. હવામાન વિભાગે જણાવ્યું હતું કે, હાલ ગુજરાતમાં ઉત્તર-પૂર્વની દિશાનો પવન છે.

યૂપીમાં ઠંડીએ વરસાવ્યો કહેર

યૂપીમાં મંગળવારે ઠંડી અને ધુમ્મસના કારણે 28 લોકોના મોત થયા છે. 4 ડિગ્રીની સાથે સૌથી ઠંડું શહેર રહ્યું છે. અનેક શહેરમાં ન્યૂનતમ પારો 2થી 7 ડિગ્રી રહ્યો હતો. સવારે ધૂમ્મસના કારણે 200 મીટર અને આસપાસના વિસ્તારોમાં પણ આ સ્થિતિ રહી હતી.

કયા વિસ્તારમાં કેટલા લોકોના થયા મોત

કાનપુરમાં 10, ફતેહપુર, ઓરૈયા અને કાનપુરમાં 2-2 લોકો, બુંદેલખંડ અને યૂપીમાં 17 લોકોના મોત થયા છે. જાલૌનમાં ધૂમ્મસ અને રેલ ટ્રેકના કામના કારણે ઈન્ટરસીટી એક્સપ્રેસ 25 ડિસેમ્બરથી 28 ડિસેમ્બર સુધી બંધ રાખવામાં આવી છે. પ્રતાપગઢમાં પણ 1 યુવકનું મોત થયું છે. આ મોત ધૂમ્મસના કારણે થયેલા એક્સીડન્ટમાં થયું હતું. પ્રયાગરાજમાં ઠંડીના કારણે એક વૃદ્ધનું મોત નીપજ્યું હતું. 

ફ્લાઇટ કેન્સલ અને ડાયવર્ટ થઈ 

ઠંડી અને ધૂમ્મસના કારણે 8 ફ્લાઈટ કેન્સલ કરવામાં આવી છે તો 11 ફ્લાઈટ્સને ડાયવર્ટ કરવામાં આવી છે. 

ક્યાં કેટલું રહ્યું તાપમાન

ગોરખપુરમાં તાપમાનનો પારો 6.9 ડિગ્રી પહોંચ્યો હતો. વેસ્ટ યૂપીમાં પણ રાતભર શહેર ધૂમ્મસથી ભર્યું હતું. મથુરામાં તાપમાન 5 ડિગ્રી નોંધાયું. પશ્ચિમ યૂપીમાં પારો 5.1 ડિગ્રી રહ્યો. જમ્મૂ કાશ્મીરમાં ઠંડીનો પારો -4 ડિગ્રી નોંધાયો. પહેલગામમાં -10.4 ડિગ્રી સાથે સૌથી ઠંડો દવિસ રહ્યો. ગુલમર્ગમાં તાપમાન -10.2 અને દક્ષિણ કાશ્મીરના કોકેરનાગમાં -6 તો કુપવાડામાં -4.3 ડિગ્રી સાથે ઠંડીનો ચમકારો યથાવત રહ્યો હતો.