ગાંધીનગર / CM ભૂપેન્દ્ર પટેલના 2 સલાહકારના શિરે વધુ એક જવાબદારી, સંભાળશે આ ચાર્જ

Vishal Khamar

Last Updated: 05:44 PM, 21 June 2023

FOLLOW ON

શેર કરો

મુખ્યમંત્રી ભુપેન્દ્ર પટેલનાં 2 સલાહકારને વધુ એક જવાબદારી સોંપવામાં આવી છે. જેમાં એસ.એસ. રાઠોડ અને હસમુખ અઢિયાને નવી જવાબદારી સોંપવામાં આવી છે.

CM ભૂપેન્દ્ર પટેલના 2 સલાહકારને વધુ એક જવાબદારી
એસ.એસ રાઠોડ બન્યા સુરત ડ્રીમ સિટીના ચેરમેન
ગાંધીનગર ગીફ્ટ સિટીના ચેરમેન તરીકે હસમુખ અઢિયાની નિયુક્તિ

મુખ્યમંત્રી ભુપેન્દ્ર પટેલનાં 2 સલાહકારોને વધુ એક મહત્વની જવાબદારી સોંપવામાં આવી છે. જેમાં મુખ્ય સલાહકાર તેમજ ભૂતપૂર્વ આઈએએસ હસમુખ અઢીયાને ગાંધીનગર ગીફ્ટ સીટીનાં ચેરમેન તરીકે નિયુક્તિ કરવામાં આવી છે. જ્યારે એસ.એસ.રાઠોડને સુરત ડ્રીમ સીટીનાં ચેરમેન તરીકે નિયુક્ત કરવામાં આવ્યા છે. તેમજ નિવૃત આઈએએસ રાજીવકુમારને ગુપ્તાને ગુજરાત ડિઝાસ્ટર મેનેજમેન્ટ ઈન્સ્ટિટ્યુટનાં ડિરેક્ટર જનરલ તરીકે નિમણૂંક આપવામાં આવી છે.
પી.કે.તનેજાની ટર્મ પૂર્ણ થયા બાદ ગુપ્તાને મુકવામાં આવ્યા
રાજીવકુમાર ગુપ્તા ગયા મહિને જ નિવૃત થયા હતા. જે બાદ સરકાર દ્વારા તેમને ગુજરાત ડિઝાસ્ટર મેનેજમેન્ટ ઈન્સ્ટિટ્યુટનાં ડિરેક્ટર તરીકે નિયુક્ત કરવામાં આવ્યા છે. આ પદ પર ભૂતપૂર્વ સનદી અધિકારી પી.કે.તનેજાની ટર્મ પૂર્ણ થયા બાદ રાજીવકુમાર ગુપ્તાને મુકવામાં આવ્યા છે. વધુ એક હુકમ પ્રમાણે ભૂતપૂર્વ સનદી અધિકારી લલિત પાડલિયાને ગુજરાત સરકારે મહેસૂલ વિભાગની અપીલ શાખામાં સચિવ તરીકે નિમણૂંક કરવામાં આવી છે.