BIG NEWS / સંયુક્ત રાષ્ટ્રમાં ફરી ચીનની અવળચંડાઇ, મુંબઈ હુમલાનાં મોસ્ટ વોન્ટેડ સાજિદ મીરને આતંકવાદી જાહેર કરવા પર લગાવી રોક

• સંયુક્ત રાષ્ટ્રમાં ફરી ચીનની અવળચંડાઇ, લશ્કર-એ-તૈયબાના સાજિદ મીર મામલે કૂણું વલણ રાખ્યું 
• આતંકવાદી સાજિદને આંતરરાષ્ટ્રીય આતંકવાદી જાહેર કરવાના પ્રસ્તાવ પર  ચીને લગાવી રોક
• મીર ભારતનો મોસ્ટ વોંટેડ આતંકવાદી છે જે 2008નાં મુંબઈ હુમલામાં સામેલ હતો

લશ્કર-એ-તૈયબાના આતંકવાદી સાજિદ મીરને સંયુક્ત રાષ્ટ્રમાં આંતરરાષ્ટ્રીય આતંકવાદી તરીકે નિયુક્ત કરવાના અમેરિકાના પ્રસ્તાવને ચીને અવરોધ્યો છે. ભારતે પણ આ પ્રસ્તાવને ટેકો આપ્યો હતો. મીર ભારતના મોસ્ટ વોન્ટેડ આતંકવાદીઓમાંનો એક છે અને 2008ના મુંબઈ હુમલાનો મુખ્ય કાવતરાખોર પણ છે. 

બેઇજિંગે યુએન સુરક્ષા પરિષદની 1267 અલ-કાયદા પ્રતિબંધ સમિતિ હેઠળ મીરને વૈશ્વિક આતંકવાદી તરીકે નિયુક્ત કરવા અને બ્લેકલિસ્ટ કરવાના યુએસ ઠરાવને ગુરુવારે અવરોધિત કર્યા હોવાના અહેવાલ છે.

The proposal was moved by the US and co-designated by India to blacklist Mir under the 1267 Al-Qaeda Sanctions Committee of the UN Security Council as a global terrorist. It’s the third hold by China on an India-US proposal in recent months, after Makki and Asghar.

— ANI (@ANI) September 17, 2022

 મહત્વનું છે કે, ભારત દ્વારા સમર્થિત આ દરખાસ્ત હેઠળ, મીરની મિલકતો જપ્ત કરવામાં આવી હોત અને તેના પર મુસાફરી પ્રતિબંધો લાદવામાં આવ્યા હોત. 

લશ્કર-એ-તૈયબાના સાજિદ મીરને આતંકવાદી જાહેર કરવા માટે યુનાઇટેડ નેશન્સ ખાતે અમેરિકા દ્વારા લાવવામાં આવેલા પ્રસ્તાવ પર ચીને લગાવી રોક, મીર ભારતનો મોસ્ટ વોંટેડ આતંકવાદી છે જે 2008નાં મુંબઈ હુમલામાં સામેલ હતો #lashkar-e-taiba #unitednatinas #sajidmir #vtvgujarat

— VTV Gujarati News and Beyond (@VtvGujarati) September 17, 2022

નોંધનીય છે કે,  26/11ના મુંબઈ આતંકી હુમલામાં તેની ભૂમિકા માટે મીર પર $5 મિલિયનનું ઇનામ જાહેર કરવામાં આવ્યું છે. ગયા વર્ષે જૂનમાં તેને પાકિસ્તાનમાં ટેરર ​ફંડિંગના કેસમાં 15 વર્ષની જેલની સજા ફટકારવામાં આવી હતી. જોકે પાકિસ્તાન સરકારે કહ્યું હતું કેમ મીર મરી ગયો છે, જેના પર પશ્ચિમી દેશો વિશ્વાસ કરતા નથી.