- મુખ્ય સચિવ પંકજકુમારને પણ મળ્યું આઠ મહિનાનું એક્સટેન્શન
- નવી સરકારનું ગઠન થાય ત્યાં સુધી CS તરીકે રહેશે પંકજકુમાર
- 2022ની ચૂંટણીમાં વ્યવસ્થાને મદદરૂપ થશે CS પંકજકુમાર
તાજેતરમાં જ ગુજરાતના DGP આશિષ ભાટિયાને વધુ 8 મહિનાનું એક્સટેન્શન મળ્યું છે. ત્યારે હવે ગુજરાતના ચીફ સેક્રેટરી પંકજકુમાર (Pankaj Kumar) ને પણ વધુ 8 મહિનાનું એક્સટેન્શન આપવામાં આવ્યું. 2022ની ચૂંટણીમાં વ્યવસ્થાને CS પંકજકુમાર મદદરૂપ થશે. નવી સરકારનું ગઠન થાય ત્યાં સુધી CS તરીકે પંકજકુમાર રહેશે. 31 જાન્યુઆરી 2023 સુધી પંકજકુમારને એક્સટેન્શન મળ્યું છે.
પંકજકુમારને પણ વધુ 8 મહિનાનું એક્સટેન્શન (Extension) અપાયું
રાજ્ય સરકાર DGP આશિષ ભાટિયા બાદ હવે ગુજરાતના મુખ્ય સચિવ પંકજકુમારને પણ વધુ 8 મહિનાનું એક્સટેન્શન (Extension) મળ્યું છે. આઠ મહિનાના એક્સટેન્શનને કેન્દ્રની લીલીઝંડી મળી ગઇ છે. ત્યારે આજે જ રાજ્ય સરકાર આ અંગેનો ઓર્ડર બહાર પાડશે. જણાવી દઇએ કે, મુખ્ય સચિવ પંકજ કુમાર 31 મેના રોજ નિવૃત્ત થઈ રહ્યાં છે.
તમને જણાવી દઇએ કે, ગુજરાતના ચીફ સેક્રેટરી પંકજકુમાર વર્ષ 1986 બેન્ચના આઇએએસ અધિકારી છે. તેમણે આઈઆઈટી કાનપુરમાંથી બી.ટેક (સિવિલ એન્જિનિયરિંગ) અને આઈસીપીઈ, લ્યુબ્લજાનામાંથી એમબીએ (પબ્લિક પોલિસી એન્ડ મેનેજમેન્ટ) નો અભ્યાસ કર્યો છે.
વિવિધ વિભાગોમાં વિવિધ ક્ષમતાઓમાં બહોળો અનુભવ ધરાવે છે.
એ સિવાય તેઓ મહેસૂલ, ગૃહ, આરોગ્ય અને પરિવાર કલ્યાણ, કૃષિ અને આપત્તિ તેમજ રાહત વ્યવસ્થાપન જેવાં વિવિધ વિભાગોમાં તેઓ બહોળો અનુભવ ધરાવે છે. આ સાથે ગુજરાત રાજ્ય માર્ગ પરિવહન નિગમ, ગુજરાત મેરીટાઇમ બોર્ડ (GMB) અને ગુજરાત મિનરલ ડેવલપમેન્ટ કોર્પોરેશન વગેરે જેવાં રાજ્ય PSUsમાં પણ સેવા આપી છે. તેમણે અનેક જિલ્લાઓમાં કલેક્ટર અને DDO તરીકે પણ કામ કર્યું છે. આ સાથે તેઓ મુખ્યમંત્રીના અગ્ર સચિવ પણ રહ્યાં છે. ગુજરાતના મુખ્ય સચિવ તરીકે તેમની નિમણૂંક થઇ તે પૂર્વે તેમણે ગુજરાત સરકારના ગૃહ વિભાગના અધિક મુખ્ય સચિવ તરીકે પણ કામ કર્યું હતું.
ગુજરાત મેરીટાઇમ બોર્ડના ચેરમેન પણ રહ્યાં છે
રાજ્યના મુખ્ય સચિવ તરીકેની તેમની જવાબદારી ઉપરાંત, તેઓ ગુજરાત સ્ટેટ પેટ્રોલિયમ કોર્પોરેશન લિમિટેડ, ગુજરાત આલ્કલીઝ એન્ડ કેમિકલ્સ લિમિટેડ, ગુજરાત સ્ટેટ ફર્ટિલાઇઝર એન્ડ કેમિકલ્સ લિ., ગુજરાત નર્મદા વેલી ફર્ટિલાઇઝર્સ એન્ડ કેમિકલ્સ લિ., ગુજરાત મેરીટાઇમ બોર્ડના ચેરમેન પણ તેઓ રહ્યાં છે. આ સાથે તેઓએ ગુજરાત ગેસ લિમિટેડ અને ગુજરાત સ્ટેટ પેટ્રોનેટ લિમિટેડના ચેરમેન અને મેનેજિંગ ડિરેક્ટર તરીકે પણ સેવા આપી છે.
ગુજરાતના DGP ભાટિયાને અપાયું 8 મહિનાનું એક્સટેન્શન
ઉલ્લેખનીય છે કે, તાજેતરમાં જ DGP આશિષ ભાટિયાને વધુ 8 મહિનાનું એક્સટેન્શન મળ્યું છે.આથી વિધાનસભા ચૂંટણી સુધી DPG તરીકે આશિષ ભાટિયા યથાવત રહેશે. 31 મેના રોજ તેઓ નિવૃત્ત થવાના હતાં. કેન્દ્રીય કેબિનેટની અપોઇમેન્ટ કમિટીએ આશિષ ભાટિયાને એક્સટેન્શન આપવાની મંજૂરી આપી છે.
