અટલ પેન્શન યોજના / 210માં 60,000નું પેન્શન ! ઘડપણમાં છોકરા સામું ન જોવે ત્યારે 'જીવાડી જશે' આ સરકારી યોજના

• અટલ પેન્શન યોજનામાં રોકાણથી ઘડપણમાં શાંતિ
• મહિને 210 રુપિયાના રોકાણમાં વર્ષે મળે છે 60,000નું પેન્શન
• 18 થી 40 એમ 22 વર્ષ સુધી કરી શકાય છે રોકાણ
• બદલામાં એક સામટી મળે છે મોટી રકમ 

ઘડપણ ખૂબ દોહ્યલું હોય છે અને તેમાંય તો છોકરાઓ ન રાખે તો વૃદ્ધ માતાપિતાનું જીવવું હરામ બની રહેતું હોય છે અને ખાવાના પણ ફાંફા પડી જતા હોય છે. શરીર નબળું હોવાથી કંઈ કામ પણ થઈ શકતું નથી આવી સ્થિતિમાં કોણ પૈસા આપે? તેથી જવાનીમાં બચત કરી લેવી ખૂબ હિતાવહ છે જેથી જવાનીની બચત ઘડપણમાં કામ આવે પછી ભલેને છોકરા સામું પણ ન જોવે પરંતુ બચતના પૈસાથી જીવનનું ગાડું ચાલ્યું જાય છે. ઘડપણમાં કામ લાગતી સરકારની આવી જ એક યોજના છે જેનું નામ અટલ પેન્શન યોજના છે. તમે 42 વર્ષ સુધી દર મહિને 210 રૂપિયાનું રોકાણ અથવા બે દાયકા સુધી દર મહિને 1454 રુપિયાનું રોકાણ કરી શકો છો. 

શું લાભ છે અટલ પેન્શન યોજનામાં રોકાણનો 
અટલ પેન્શન યોજના (એપીવાય) સરકાર દ્વારા સંચાલિત યોજના છે, જે મુખ્યત્વે અસંગઠિત ક્ષેત્રના કર્મચારીઓ પર ધ્યાન કેન્દ્રિત કરે છે. એક વ્યક્તિ 18 થી 40 વર્ષની વય વચ્ચે પેન્શન યોજનામાં રોકાણ શરૂ કરી શકે છે, જેનાથી તે વ્યક્તિના યોગદાન અને ઉંમરના આધારે 1000 રૂપિયાથી લઈને 5000 રૂપિયા સુધીની નિશ્ચિત ન્યૂનતમ માસિક પેન્શન મેળવી શકે છે. એપીવાય ભારતના તમામ નાગરિકો માટે ખુલ્લું છે. એટલે કે જો ગ્રાહકો દર મહિને 210 રૂપિયાનું રોકાણ કરે છે તો તેમને કુલ 60 હજાર રૂપિયા મળશે. તેઓએ ફક્ત બેંક અથવા પોસ્ટ ઓફિસમાં બચત ખાતું ખોલવાનું છે.

અટલ પેન્શન યોજનામાં કોણ કરી શકે છે રોકાણ?
અસંગઠિત ક્ષેત્રના તમામ નાગરિકો આ યોજનામાં રોકાણ કરી શકે છે. અટલ પેન્શન યોજના એવા લોકો માટે સારું છે જેઓ ઓછી આવક જૂથના છે અથવા એવા વ્યક્તિઓ કે જેમની પાસે કોઈ નિશ્ચિત રોજગાર નથી. અટલ પેન્શન યોજના હેઠળ દર મહિને 5000 રૂપિયા મેળવો. જો કોઈ વ્યક્તિ 18 વર્ષની ઉંમરે મહિને 210 રુપિયાનું રોકાણ શરુ કરે તો તે કુલ 1,05,840 રુપિયાનું રોકાણ કરે છે. આ રીતે તે 40 વર્ષની ઉંમરમાં 1454 રુપિયાનું રોકાણ કરે તો તે 3,48,960 રુપિયાનું રોકાણ કરે છે. એટલે કે જો કોઈ વ્યક્તિ નાની ઉંમરમાં જ કમાણી શરૂ કરી દે છે તો તે 2,43,120 રૂપિયાની બચત કરી શકશે.

અટલ પેન્શન યોજના માટે ઓનલાઇન અરજી કેવી રીતે કરવી?
એપીવાય સબ્સ્ક્રાઇબર ફોર્મ તમામ બેંક વેબસાઇટ્સ પર ઓનલાઇન ઉપલબ્ધ છે. ગ્રાહકોએ ફોર્મ ડાઉનલોડ કરવાનું હોય છે, જરૂરી વિગતો ભરવાની હોય છે અને તેને પોતાની બેંકોમાં જમા કરાવવાની હોય છે. અન્ય જરૂરી દસ્તાવેજો પણ સબમિટ કરવા પડશે અને અરજદારો સરળતાથી અટલ પેન્શન યોજનાનું ખાતું ખોલી શકે છે.