ગુજરાત વિધાનસભાની પેટા ચૂંટણી માટે 6 બેઠકો પર સોમવારે મતદાન યોજાશે. ત્યારે પોલીંગ બૂથ પર ચૂંટણીને લઇ EVM અને VVPATનું વિતરણ થઈ ચુક્યું છે. અમરાઈવાડી, રાધનપુર, બાયડ, ખેરાલું. લુણાવાડા અને થરાદમાં યોજાનારી પેટાચૂંટણી માટેના EVM અને VVPATની ચકાસણી પુર્ણ થઈ ગઈ છે. પેટા ચૂંટણી માટે સ્ટેશનરીનું વિતરણ થઈ ચુક્યું છે. તેમજ EVM અને VVPATને સ્ટ્રોંગરૂમમાંથી ડિસ્પેચ કામગીરી પુર્ણ થઇ છે. સુરક્ષાકમીઓ EVM અને VVPATની સુરક્ષા માટે તહેનાત થઈ ગયાં છે.
ગુજરાત વિધાનસભાની પેટા ચૂંટણીમાં 6 બેઠકોનું સોમવારે મતદાન
14.73 લાખ મતદારો કરશે મતદાન
81 મતદાન મથક પરથી વેબ કાસ્ટિંગ થશે
14.73 લાખ મતદારો મત આપશે
સોમવારે ગુજરાત વિધાન સભાની 6 બેઠકો પર યોજાનારી પેટાચૂંટણીમાં 14.73 લાખ મતદારો મતદાન કરશે. તેમજ 1781 મથક પર મતદારો મતદાન કરી શકશે. 24 ઓક્ટોબરનાં રોજ મત મત ગણતરી હાથ ધરાશે. ત્યારે ભાજપ અને કોંગ્રેસ બન્નેએ અમરાઈવાડી બેઠક પર વિજયનાં દાવા પણ કરી દીધાં છે.
EVM અને VVPATડિસ્પેચ કરાયાં
ગુજરાત વિધાનસભાની 6 બેઠકો પર આજે મતદાન થશે. મતદાનને લઈને અમદાવાદના અમરાઇવાડી વિધાનસભા બેઠકની પેટા ચૂંટણી તૈયારીઓ પુરજોશમાં ચાલી રહી છે. અહીં EVM અને VVPAT મશીન ચકાશણી પૂર્ણ કરાઈ છે. કે,કા શાસ્ત્રી કોલેજ ખાતે સ્ટોંગ રૂમ તૈયાર કરાયો છે. ચૂંટણીની તમામ સ્ટેશનરીનુ પણ વિતરણ કરી દેવામાં આવ્યું છે. આ અમરાઈવાડી બેઠક પર રહેલા ભાજપના ધારાસભ્ય હસમુખભાઈ પટેલ અમદાવાદ પૂર્વ લોકસભા બેઠક પરથી ચૂંટાતા બેઠક ખાલી પડી હતી.
81 મતદાન મથક પરથી વેબ કાસ્ટિંગ થશે
બાયડમાં EVM અને VVPATને મતદાન મથકે મોકલવાની પ્રક્રિયા પૂર્ણ થઇ છે. અહીં 316 બુથ પરથી મતદાન યોજાશે. 1975 કર્મચારીઓ પેટાચૂંટણીમાં ફરજ બજાવશે. 81 મતદાન મથક પરથી વેબ કાસ્ટિંગ કરવામાં આવશે. અહીં સુરક્ષામાં પેરામિલેટ્રીની 4 કંપનીઓ તૈનાત કરવામાં આવ્યાં છે. નોંધનીય છે કે ,કોંગ્રેસનાં ધારાસભ્ય ધવલસિંહ ઝાલા રાજીનામું આપીને ભાજપમાં જોડાતાં બેઠક ખાલી પડી હતી.
ખેરાલુંમાં 2.9 લાખ મતદારો મતદાન કરશે
મહેસાણામાં ખેરાલુ વિધાનસભાની પેટાચૂંટણીની તૈયારી અંતર્ગત પોલીસનો ચૂસ્ત બંદોબસ્ત ગોઠવાયો છે. આ બેઠક પર 2.9 લાખ મતદારો મતદાન કરશે. અહીં 269 મતદાન મથકો પર મતદાન કરવામાં આવશે. સુરક્ષા માટે 600 પોલીસકર્મીઓ તૈનાત કરાયાં છે. જેમાં ચુંટણી ટાણે સુરક્ષાનાં ભાગ રૂપે 3 PI, 4 PSI અને 400 પોલીસ કર્મી, CISF- BSF 2-2 ટીમ અને 100 હોમગાર્ડ તૈનાત રહેશે. ઉલ્લેખનીય છે કે આ બેઠક પરનાં ભાજપનાં ભરતસિંહ ડાભી પાટણ લોકસભા બેઠક પરથી ચૂંટાતા બેઠક ખાલી પડી હતી.
55 સંવેદનશીલ કેન્દ્રો પર વેબ કમેરાથી રખાશે નજર
બનાસકાંઠાનાં થરાદમાં પણ EVM, VVPAT સહિતની સામગ્રીની ફાળવણી કરાઈ ચૂકી છે. અહીં મતદાન કેન્દ્રો પર સામગ્રી ST બસથી મોકલવામાં આવી છે. જ્યારે 260 મતદાન કેન્દ્રો પર પ્રિસાઈડિંગ ઓફિસર તૈનાત કરાયાં છે. તેમજ 168 માઈક્રોઓબ્જર્વ, 320 મહિલા કર્મચારીઓ ફરજ બજાવશે. જ્યારે 55 સંવેદલશીલ કેન્દ્રો પર વેબ કેમેરાથી ચૂંટણી પ્રક્રિયાનું રેકોર્ડિંગ કરવામાં આવશે. 2 લાખ 17 હજાર 849 મતદાતાઓ મતદાન કરશે. અહીં પોલીસ, હોમગાર્ડ અને BSFના જવાનો મતદાન કેન્દ્રો પર સુરક્ષાનો કારભાર સંભાળશે. થરાદ બેઠક પરનાં ભાજપનાં ઉમેદવાર પરબત પટેલ બનાસકાંઠા લોકસભા બેઠકમાં વિજેતા બનતાં આ બેઠક ખાલી પડી હતી.
બાકીનાં મથકો પર પેટા ચૂંટણીની તડમાર તૈયારી
આ ઉરાંત લુણાવાડા, અને રાધપુર બેઠકો પર પણ સુરક્ષા કર્મીઓ તહૈનાત થઈ ચુક્યાં છે. ત્યાં પણ EVM અને VVPAT મશીનો સ્ટોંગરૂમમાંડિસ્પેચ થઈ ચુક્યાં છે. ઉલ્લેખનીય છે કે લુણાવાડા બેઠક પરનાં ભાજપના ધારાસભ્ય રતનસિંહ રાઠોડ પંચમહાલ લોકસભા બેઠક પરથી ચૂંટાતાં બેઠક ખાલી પડી હતી. તેમજ રાધનપુર બેઠકનાં કોંગ્રેસનાં ધારાસભ્ય અલ્પેશ ઠાકોર રાજીનામું આપીને ભાજપમાં જોડાતાં બેઠક ખાલી પડી હતી. જેનાં કારણે અહીં પેટા ચૂંટણી યોજવાની જરુરિયાત ઊભી થઈ હતીં.